Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
AKTUALITET
Shpërndanin heroinë dhe kokainë! Arrestohen dy të rinjtë tek "Mine Peza", ja çfarë iu gjet në mjetin tip 'BMW'
PiranjatPërditësimi i fundit 28 Nëntor 2025, 09:20
Shpërndanin heroinë dhe kokainë në lagjet e Tiranës! 'Shqiponjat' arrestojnë dy të rinjtë tek "Mine Peza", ja çfarë iu gjet në mjetin tip 'BMW'
Dy të rinj janë arrestuar në Tiranë pasi u kapën duke shpërndarë heroinë dhe kokainë në disa lagje të kryeqytetit. Forcat “Shqiponja” ndaluan në rrugën “Mine Peza” një automjet tip “BMW”, me drejtues shtetasin K. P. dhe pasagjer shtetasin H. S. Gjatë kontrollit fizik, K. P., 21 vjeç, iu gjetën doza heroine dhe kokaine, ndërsa H. S., 27 vjeç, u kap me doza kokaine.
Pas përfundimit të veprimeve procedurale, të dy shtetasit u vunë në pranga dhe po akuzohen për veprën penale “Prodhimi dhe shitja e narkotikëve”.
Njoftimi:
Tiranë
Finalizohet operacioni policor i koduar “Night”, gjatë të cilit u godit një rast i shitjes së drogave të forta.
Lëviznin me një automjet tip “BMW”, me qëllim shpërndarjen e lëndëve narkotike heroinë dhe kokainë, arrestohen në flagrancë dy shtetas.
Sekuestrohen lëndët narkotike, 5 aparate celularë dhe automjeti i përdorur në veprimtarinë kriminale.
Në vijim të operacioneve të njëpasnjëshme kundër narkotikëve, të zhvilluara si rezultat i kontrolleve të intensifikuara dhe administrimit të menjëhershëm të informacioneve të siguruara nga inteligjenca policore, Forca e Posaçme “Shqiponja” në bashkëpunim me Seksionin për Hetimin e Narkotikëve finalizuan operacionin policor të koduar “Night”, gjatë të cilit u godit një tjetër rast i shitjes së drogave të forta.
Shërbimet e Forcës së Posaçme “Shqiponja” ndaluan në rrugën “Mine Peza”, automjetin tip “BMW”, me drejtues shtetasin K. P. dhe pasagjer shtetasin H. S. Gjatë kontrollit fizik, shtetasit K. P. iu gjetën doza heroine dhe kokaine, ndërsa shtetasit H. S. iu gjetën doza kokaine.
Në përfundim të veprimeve procedurale u vunë në pranga shtetasit K. P., 21 vjeç, dhe H. S., 27 vjeç, për veprën penale “Prodhimi dhe shitja e narkotikëve”.
Materialet procedurale iu referuan Prokurorisë së Tiranës, për veprime të mëtejshme.
