Kryeministri Edi Rama ka pranuar se mes protestuesve të muajve të fundit kanë pasur edhe anëtarë, mbështetës dhe votues t&e...
AKTUALITET
Thriller me vrasjen e 17-vjeçarit shqiptar në Greqi, autoritetet po hetojnë një takim mes miqsh që përfundoi në tragjedi
PiranjatPërditësimi i fundit 27 Shkurt 2026, 18:06
Vrasja e 17-vjeçarit shqiptar Aleks Vangjeli dhe plagosja e një 19-vjeçari në Greqi është e mbuluar nga misteri.
Sipas informacioneve, vëllai i 17-vjeçarit e dërgoi të miturin në spital, por ai ishte tashmë i vdekur si pasojë e një goditjeje me thikë në zonën e kraharorit.
Në të njëjtën kohë, paraditen e së premtes, një 19-vjeçar, mik i 17-vjeçarit, u dërgua në të njëjtin spital me plagë nga thika dhe iu nënshtrua ndërhyrjes kirurgjikale.
Sipas informacioneve të publikuara nga ProtoThema, 19-vjeçari i plagosur u tha policëve se si ai ashtu edhe shoku i tij i ndjerë u sulmuan nga i njëjti person, një 17-vjeçar.
Nëna e të miturit që është identifikuar si autor nga 19-vjeçari ndodhet në komisariat dhe po jep dëshmi, sipas të njëjtave burime.
Sipas raportimeve, grupi i viktimës ishte takuar me grupin e autorit të dyshuar për të “zgjidhur” një vjedhje që kishte ndodhur disa kohë më parë, pa u sqaruar ende roli i secilit në këtë çështje. Sipas burimeve, bëhet fjalë për gjithsej pesë persona të përfshirë në konflikt.
Një mjek nga Spitali i Korinthit deklaroi se, sipas vlerësimit të kolegëve të tij, 17-vjeçari kishte ndërruar jetë disa orë para se të transportohej në spital. Ai kishte një plagë pranë zemrës, ndërsa mjeku theksoi se përgjigjet përfundimtare do të jepen nga ekzaminimi mjeko-ligjor.
Autoritetet vijojnë hetimet për zbardhjen e plotë të rrethanave të kësaj ngjarjeje të rëndë.
