Se çfarë po ndodh në Tiranë, është pak të quhet terror policor. Djem dhe vajza që janë rrahur barbarisht dhe d&eu...
AKTUALITET
Trafikuan tonelata kokainë, dalin emrat e grupit të trafikut. Në listë edhe i “forti” i Durrësit
PiranjatPërditësimi i fundit 27 Nëntor 2025, 20:20
Media italiane ka publikuar emrat e 24 personave të dyshuar për të cilët u lëshuan fletë arreste nga Gjykata e Breshias pasi janë pjesë e klanit shqiptar që besohet se në harkun e 5 viteve ka trafikuar drejt Italisë të paktën 1.3 tonë kokainë.
24 të dyshuar janë vënë nën masa paraprake (21 në burg, 3 nën arrest shtëpiak), ndërsa janë sekuestruar asete me vlerë 3 milionë euro dhe është rindërtuar një rrjet që dyshohet se ka transportuar më shumë se 1.3 ton kokainë dhe heroinë. Emrat e të gjithë të arrestuarve janë renditur. Mes personave që është lëshuar urdhër-arresti është edhe Elvis Doçi nga Durrësi.
FotoAsti Llupi, Erald Salla dhe Altin Shehaj janë të arrestuarit nga policia e shtetit shqiptar pas masës arrest në burg të lëshuar nga Gjykata e Breshias për goditjen e klanit shqiptar që besohet se në harkun e 5 viteve ka trafikuar drejt Italisë të paktën 1.3 tonë kokainë.
Si funksiononte grupi
Hetuesit bënë me dije se bazat e grupit kriminal shqiptar ishin në Rovato dhe Palazzolo, ndërsa importi i drogës dhe operacionet e mëvonshme të trafikimit ishin në duart e klaneve shqiptare.
Sipas mediave italiane, kokaina mbërrinte nga Amerika e Jugut, ndërsa heroina nga Shqipëria. Transporti kryhej përmes kamionëve dhe autobuzëve, ndërsa të shpeshta ishin rastet kur shoferët nuk kishin dijeni për krimin që po bënin.
Gjatë operacionit, autoritetet sekuestruan 550 mijë euro, 10 automjete, një pistoletë dhe rreth 130 kilogramë lëndë narkotike, me vlerë të përafërt 12 milionë euro në treg.
