Një ngjarje e rëndë është regjistruar në afërsi të ishujve të Ksamilit, ku është gjetur i pajetë n...
AKTUALITET
U pagua nga ish-deputeti Ndoka për të vrarë vëllezërit Bami, ky është 37-vjeçari Jozi Kraja që u ekstradua nga Zvicra
PiranjatPërditësimi i fundit 27 Janar 2026, 16:47
Personi që shihni në foto është 37-vjeçari Jozi Kraja, i cili u ekstradua sot nga Zvicra, pasi ndaj tij Gjykata e Posaçme kishte caktuar masën e sigurisë “arrest në burg”, si anëtar i grupit të dosjes “Revanshi”.
Jozi Kraja ka pasur rolin e vëzhguesit, lokalizuesit dhe bashkëpunëtorit me qëllim vrasjen e e vëllezërve Durim dhe Valter Bami. Kraja dyshohet se për një periudhë 4-vjeçare, gjatë periudhës dhjetor 2020-maj 2024, ka siguruar kushte dhe mjete materiale për të kryer vrasjen e 2 vëllezërve.
Gjykata e Posaçme e Shkallës së Parë, me vendimin e datës 15.05.2024, i ka caktuar këtij personi masën e sigurisë “Arrest në burg” për veprat penale “Sigurimi i kushteve dhe i mjeteve materiale për të kryer vrasje”, “Grupi i strukturuar kriminal” dhe “Kryerja e veprave penale nga organizata kriminale ose grupi i strukturuar kriminal”.
Sipas hetimeve të kryera nga Prokuroria e Posaçme kundër Korrupsionit dhe Krimit të Organizuar, dyshohet se Jozi Kraja, gjatë periudhës dhjetor 2020 – maj 2024, ka siguruar kushte dhe mjete materiale për kryerjen e vrasjes së dy vëllezërve Durim dhe Valter Bami, ndërsa u pagua nga ish-deputeti Arben Ndoka. Jozi Kraja alias Jozi Ndoj, është vëllai i Gjin Ndoj ose Boriçi, i vrarë në Vaun e Dejës nga grupi i Bajrajve, për llogari të Ervis Martinajt, ndodhur më 8 gusht 2020.
Përmes bisedave në “SKY” të zbardhura nga SPAK në dosjen “Metamorfoza”, e cila është dërguar për gjykim dilte qartë se Gjin Ndoji është vrarë për një borxh prej 100 mijë euro, që kishte mbetur tek Ervis Martinaj.
