Kryeministri Edi Rama ka pranuar se mes protestuesve të muajve të fundit kanë pasur edhe anëtarë, mbështetës dhe votues t&e...
AKTUALITET
Vdekja e 17-vjeçarit shqiptar në Greqi/ Adoleshenti shkoi në shtëpi i plagosur me thikë në kraharor
PiranjatPërditësimi i fundit 27 Shkurt 2026, 13:10
Detaje të reja janë zbuluar nga vdekja e 17-vjeçarit shqiptar në Korintho të Greqisë, i cili ndërroi jetë në spital pas një sherri me thikë.
Sipas mediave greke, 17-vjeçari Aleks Vangjeli kishte shkuar në shtëpi i plagosur në kraharor nga thika, pa i treguar familjes së tij. Vëllai i tij kuptoi se gjendja e tij ishte e rëndë dhe e dërgoi në spitalin e Korinthos, ku ai ndërroi jetë.
Hetimet tregojnë se më parë 17-vjeçari ndodhej në një zonë të largët pranë Rrugës së Përgjithshme të Loutrakit, por ende nuk është e qartë se çfarë ka ndodhur saktësisht aty.
Ndërkohë po këtë të premte, një 19-vjeçar grek, mik i ngushtë i 17-vjeçarit, u transportua në të njëjtin spital me plagë nga thika në bark dhe u operua.
Ai iu nënshtrua një ndërhyrjeje kirurgjikale dhe aktualisht ndodhet në klinikën kirurgjikale, shkruan Protothema.
Sipas informacioneve, deri më tani i plagosuri nuk ka dhënë detaje rreth asaj që ndodhi apo vendit ku ndodhi incidenti i përgjakshëm.
Për mediat greke ka folur nëna e 19-vjeçarit, e cila ka thënë: Nuk di asgjë ende, isha duke fjetur kur më morën. Sa i përket fëmijës tjetër, zbulova se kishte vdekur rrugës. Ai ishte një mik i ngushtë i djalit tim. Kush janë ata që vranë një fëmijë dhe shkuan të vrisnin një tjetër? Nuk e di…”
Autoritetet besojnë se këto dy incidente janë të lidhura dhe se ka pasur një sherr para vdekjes së 17-vjeçarit.
