Ambasadori i Gjermanisë në Shqipëri, Karl Bergner i kujton kryeministrit Rama se në rrugën për integrimin në B...
AKTUALITET
VIDEO/ Dalin pamjet e vrasjes me thikë të Egli Pashollarit pas sherrit në mes të rrugës
PiranjatPërditësimi i fundit 22 Shkurt 2026, 14:02
Dy ditë pas vrasjes me thikë të Egli Pashollarit në Tiranë, janë publikuar pamjet e sherrit masiv që i mori jetën të riut.
Sipas pamjeve të kamerave të sigurisë, rezulton të ketë pasur një përleshje midis disa personave për radhën e kalimit në një kryqëzim të rrugës “Kongresi i Lushnjës”. Kamerat regjistruan gjithçka, që nis me ofendimet që i ka bërë i ndjeri autorit të dyshuar Gazmend Buçpapës.
Ky i fundit ka ndaluar dhe zbret nga makina me bashkëshorten, që punonte si menaxhere në një biznes në zonë, dhe po shkonin për të kryer disa analiza në spital. Autori i kërkon sqarime viktimës, dhe për pak sekonda nisin fyerjet dhe konflikti fizik.
Më pas Gazmend Buçpapa, nxjerr thikën dhe qëllon disa herë të riun, duke i shkaktuar vdekjen. Pashollari ecën disa hapa, dhe rrëzohen pranë një automjeti të parkuar. Pas ngjarja autori dhe bashkëshortja janë larguar me makinë dhe pasi e kanë braktisur kanë marrë taksi për në banesë e tyre në zonën e Sharrës.
Pasi kanë shkuar në shtëpi, autori është arratisur, dhe tashmë ndodhet në kërkim nga policia. Gruaja e tij është marrë në pyetje nga uniformat blu duke dhënë këtë version të ngjarjes.
