Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
AKTUALITET
VIDEO/ Hajduti i “tmerrshëm” bën namin me vjedhje në Tiranë. Kush është ai dhe bashkëpunëtori (Emrat)
PiranjatPërditësimi i fundit 7 Dhjetor 2025, 10:28
Një 34-vjeçar përfundoi në prangat e policisë së Tiranës pasi akuzohet për një sërë vjedhjesh të ndodhura në zona të ndryshme të kryeqytetit. Në kuadër të operacionit “The thief”., u kapën dhe u arrestuan shtetasit Geraldo Zeneli, 34 vjeç, banues në Tiranë dhe Gëzim Cani, 48 vjeç, banues në Tiranë.
Njoftimi:
Shërbimet e Komisariatit të Policisë Nr. 2, pas denoncimeve nga disa drejtues automjetesh/subjekte, për vjedhjen e materialeve dhe sendeve të një vlere të konsiderueshme nga automjetet e tyre apo subjekte, pas thyerjes së xhamave, bazuar dhe në informacionet e marrë në rrugë operative, organizuan dhe finalizuan operacionin policor të koduar “The thief”.
Në kuadër të operacionit, u kapën dhe u arrestuan shtetasit G. Z., 34 vjeç, banues në Tiranë dhe G. C., 48 vjeç, banues në Tiranë.
Nga veprimet hetimore dyshohet se shtetasi G. Z, në muajt korrik, tetor dhe nëntor ka vjedhur materiale dhe sende të ndryshme në 5 automjete dhe 1 subjekt që iu ka thyer xhamat, në lagje të ndryshme, të cilat më pas ja shiste shtetasit G. C.
Gjithashtu, shtetasi G. Z, në datat 20.11.2025 dhe 29.11.2025, ka vjedhur 2 biçikleta. Gjatë kontrollit të banesës së 48-vjeçarit, shërbimet e Policisë e sekuestruan disa prej materialeve të vjedhura.
Vijojnë hetimet për zbardhjen e vjedhjeve të tjera që mund të ketë kryer nga 34-vjeçari. Materialet procedurale i kaluan Prokurorisë, për veprime të mëtejshme.
