Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
AKTUALITET
Punonjëset e WizzAir terrorizojnë shqiptarët me britma dhe ofendime në Itali/ Reagon kompania!
PiranjatPërditësimi i fundit 5 Mars 2026, 21:54
Një qytetar ka denoncuar sjelljen e stafit të WizzAir ndaj udhëtarëve shqiptarë.
Qytetari, i cili po udhëtonte nga Pisa drejt Tiranës shprehet se udhëtarët janë ofenduar nga punonjëset e Check-In dhe nuk u është lejuar të udhëtojnë nëse nuk paguajnë 78 euro shtesë për çantat e shpinës.
Sipas tij, punonjëset e aeroportit kanë kërcënuar se do të njoftojnë policinë dhe nuk kanë lejuar shqiptarët të udhëtojnë, madje kanë kthyer edhe disa moshuarit, pa u interesuar se janë me bileta dhe të rregullt.
Por menjëherë pas kësaj ka ardhur dhe një reagim nga ana e kompanisë, e cila ka sqaruar detajisht ngjarjen.
Reagimi
Wizz Air dëshiron të sqarojë rrethanat që lidhen me situatën e fundit të raportuar në media.
Procedurat e imbarkimit në aeroporte ndjekin rregulla të përcaktuara qartë, të cilat u komunikohen paraprakisht pasagjerëve. Të gjithë pasagjerët duhet të respektojnë udhëzimet e imbarkimit, përfshirë edhe orën përfundimtare të imbarkimit të shënuar në kartën e imbarkimit dhe të njoftuar në aeroport. Këto procedura janë vendosur për të siguruar përpikmërinë dhe funksionimin e rregullt të të gjitha fluturimeve, ndërkohë që procesi i imbarkimit zhvillohet në koordinim me stafin e shërbimit tokësor të aeroportit, i cili është përgjegjës për menaxhimin e portës së imbarkimit dhe për të siguruar që procedurat ndiqen në përputhje me rregullat e aeroportit.
Wizz Air synon gjithmonë të mbështesë pasagjerët dhe të ofrojë një eksperiencë udhëtimi sa më të qetë. Ne i inkurajojmë të gjithë udhëtarët të paraqiten në kohë në portë dhe të ndjekin me kujdes udhëzimet e imbarkimit për të shmangur çdo shqetësim.
Linja ajrore mbetet e përkushtuar ndaj komunikimit transparent dhe ofrimit të udhëtimeve të sigurta, të besueshme dhe efikase për të gjithë pasagjerët.
