As shiu nuk i ndal studentët, vijon protesta para Ministrisë së Arsimit: Ju erdhi fundi

As reshjeve të shiut nuk i kanë ndalur të rinjtë, të cilët vijojnë protestën e tyre përpara Ministrisë së Arsimit, duke kërkuar dorëheqjen e kryeministrit Edi Rama.

Pavarësisht kushteve të vështira atmosferike, protestuesit kanë qëndruar në shesh, duke përsëritur thirrjet kundër qeverisë dhe duke bërë të qartë se nuk kanë ndërmend të tërhiqen nga qëndrimi i tyre.

Gjatë tubimit, të rinjtë kanë brohoritur në kor slogane kundër kryeministrit dhe përfaqësuesve të qeverisë, mes tyre “Rama n’burg, Belinda n’burg” dhe “Ju erdhi fundi”.

Protestuesit vijojnë të kërkojnë largimin e qeverisë, ndërsa protesta zhvillohet në kuadër të lëvizjes së tyre kundër qeverisjes aktuale.