Bojkotimi i mediave në SHBA/ Gjykata urdhëron Trumpin të rikthejë CNN, MS NOW dhe Politico në Shtëpinë e Bardhë

Një gjykatës federal në SHBA ka urdhëruar administratën e Donald Trumpit të rikthejë aksesin në Shtëpinë e Bardhë për gazetarët e CNN, MS NOW dhe Politico. Vendimi erdhi pasi gjykata vlerësoi se ndalimi i vendosur ndaj këtyre mediave ka gjasa të jetë në kundërshtim me mbrojtjen kushtetuese të lirisë së shtypit.

Sipas raportomeve nga mediat e huaja, Gjykatësi Tim Kelly mori vendimin pas ankesës së tre organizatave mediatike ndaj masës së administratës, e cila më 18 shtator u kishte kufizuar aksesin në Shtëpinë e Bardhë. Trump kishte argumentuar se këto media nuk duhej të lejoheshin të publikonin apo transmetonin atë që ai i konsideronte si informacione të rreme, duke kritikuar mënyrën se si ato kishin raportuar mbi aktivitetet e administratës së tij.

Departamenti i Drejtësisë mbrojti vendimin e Shtëpisë së Bardhë, duke argumentuar se kufizimi i aksesit lidhej me çështje të sigurisë kombëtare. Megjithatë, gjykata urdhëroi rikthimin e aksesit të gazetarëve të tre mediave, duke ngritur një tjetër përplasje mes administratës Trump dhe medias amerikane.