Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Dënimi i dytë i Thaçit dhe rreziku i përplasjeve të reja në Kosovë Aksident i rëndë, gazetari sportiv përplaset nga autobusi, detajet e para Tensione para Kryeministrisë, policia nuk lejon qytetarët të protestojnë, hedhin spray lotsjellës Speca me prani të lartë nikeli/ Kroacia bllokon sërish ngarkesat nga Shqipëria, hera e pestë në pak muaj Gjobë 1 milion lekë në muaj çdo filiali poste në Durrës, ja si ngriti skemën Fetah Mataj! Zbardhen dëshmitë... Tensione te Kryeministria, policia shtyn me forcë qytetarët në trotuar “Jalta e re” zgjati 80 minuta/ Fituesit dhe humbësit e takimit historik mes Xi, Trump dhe Putin Skandali në Postën e Durrësit/ Jo vetëm pensionet, dyshohet se u vodhën edhe pagesat e qytetarëve për Kadas... Pse kryeministri kanadez shkoi në Kinë dhe nuk mori pjesë në bisedimet e sotme për Ukrainën? Haaland i jashtëzakonshëm, arrin 68 gola sa Mbappe por me 47 ndeshje me pak Arrestohet në Shkodër 45-vjeçari i shpallur në kërkim nga Italia, pritet ekstradimi “Lulet vyshken, por dashuria mbetet gjithmonë”, Brikena Selmanaj merr dhuratën e veçantë, mesazhi i saj ngr...
BOTA

Deri në 500 shkolla mund të mbyllen të hënën në Francë, nxënësit paralajmërojnë protesta të reja

P
Piranjat 4 October 2026, 23:07 · 4 min lexim
Deri në 500 shkolla mund të mbyllen të hënën në

Deri në 500 shkolla të mesme në Francë pritet të jenë të mbyllura plotësisht ose pjesërisht të hënën, ndërsa protestat e nxënësve po vazhdojnë në disa qytete të vendit.

Protestat, të cilat nisën rreth dy javë më parë në një shkollë në Créteil, pranë Parisit, janë përhapur në disa pjesë të Francës. Gjatë ditëve të fundit janë shënuar përplasje me policinë, dëmtime të objekteve shkollore dhe incidente në rrugë.

Ministria e Arsimit ka njoftuar se mësimi do të pezullohet plotësisht ose pjesërisht në rreth 400 deri në 500 shkolla, ku autoritetet vlerësojnë se nuk janë plotësuar kushtet e sigurisë, raporton Euronews.com, transmeton Sinjali.

Ministri i Arsimit, Édouard Geffray, ka thënë se numri i klasave të prekura pritet të jetë i ngjashëm me atë të së premtes, kur u pezulluan rreth 400 deri në 500 klasa.

Sipas tij, nga 735 shkolla të prekura nga protestat, 24 janë dëmtuar rëndë, përfshirë raste ku objektet janë djegur ose janë bastisur. Geffray ka bërë të ditur gjithashtu se 78 punonjës të Ministrisë së Arsimit janë lënduar që nga fillimi i protestave.

Ministria e Brendshme ka njoftuar se trazirat kanë çuar në afro 5 mijë arrestime që nga e hëna.

Gjatë protestave janë djegur kontejnerë dhe sende të tjera, ndërsa ndaj forcave të rendit janë hedhur objekte. Policia ka përdorur gaz lotsjellës, shkopinj dhe mjete të tjera për shpërndarjen e protestuesve.

Ministri i Brendshëm, Laurent Nuñez, ka mbrojtur veprimet e policisë, duke mohuar se ndërhyrjet kanë qenë “joproporcionale”.

Protestat kanë nisur fillimisht në mbështetje të mësuesve që kërkonin më shumë staf dhe burime në shkolla. Më pas, nxënësit kanë ngritur edhe kërkesa për përmirësimin e kushteve në objektet shkollore, klasat e mbipopulluara, mungesën e mësuesve dhe oraret që i konsiderojnë të papërballueshme.

Pas takimit me ministrin e Arsimit të premten, përfaqësuesit e nxënësve thanë se nuk kishin marrë masa konkrete dhe bënë thirrje që protestat të vazhdojnë.

Një tjetër ditë mobilizimi është paralajmëruar për të martën. Sindikatat e mësuesve kanë deklaruar se do t’i bashkohen protestës së nxënësve, duke i cilësuar kërkesat e tyre si legjitime.

Protestat janë shoqëruar edhe me disa incidente serioze. Në Tours, një i ri humbi shikimin në syrin e djathtë pas përleshjeve mes nxënësve dhe policisë, sipas prokurorisë lokale.

Në La Ciotat, një mësuese 59-vjeçare u sulmua gjatë një proteste, ndërsa në Belfort një polic u ndoq dhe u rrah nga një grup të rinjsh.

Ndërkohë, qeveria franceze po shqyrton përshpejtimin e një projektligji që synon t’i bëjë pjesëmarrësit në tubime të dhunshme të kontribuojnë në kostot e dëmeve të shkaktuara gjatë protestave. Senati pritet ta shqyrtojë projektligjin në fund të tetorit.

 

SHPËRNDAJE

Lexo edhe

BOTA

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.