Deputetja e pavarur Marjana Koçeku ka zbuluar se ka marrë oferta politike nga subjekte të ndryshme, por ka vendosur të vijojë aktivit...
BOTA
Ish-zyrtari i lartë amerikan dha dorëheqjen, akuza të forta për rolin e Izraelit në sulmet ndaj Iranit
PiranjatPërditësimi i fundit 19 Mars 2026, 20:14
Ish-drejtori i Qendrës Kombëtare Amerikane për Luftën kundër Terrorizmit, Joe Kent, ka dhënë dorëheqjen këtë javë, duke ngritur akuza të forta për mënyrën se si u vendosën sulmet ajrore ndaj Iranit dhe për rolin e aleatëve në këtë proces.
Në një intervistë për emisionin e komentatorit konservator Tucker Carlson, Kent deklaroi se brenda administratës së Donald Trump nuk kishte hapësirë për të shprehur kundërshtime mbi strategjinë ushtarake.
Ai shkoi më tej, duke pretenduar se Izraeli ka pasur rol vendimtar në shtyrjen e SHBA-së drejt sulmeve ndaj Iranit më 28 shkurt, një vendim që sipas tij rrezikon të përçajë edhe bazën politike të Trumpit.
Kent e cilësoi si “gabim katastrofik” vrasjen e Ali Larijani, duke theksuar se ai ishte një negociator i gatshëm për marrëveshje. “Ne e kemi vrarë Larijanin, negociatorin që mund të siguronte një marrëveshje”, u shpreh ai, duke paralajmëruar se veprime të tilla forcojnë elementët radikalë në Iran.
Sipas tij, çdo përshkallëzim ushtarak i jep më shumë pushtet Garda Revolucionare Islamike, pasi popullsia mund të bashkohet rreth saj përballë kërcënimeve të jashtme.
Kent, i cili ka shërbyer edhe në struktura të inteligjencës nën drejtimin e Tulsi Gabbard, deklaroi se nuk kishte prova që Irani përbënte një kërcënim të menjëhershëm për SHBA-në apo se po zhvillonte në mënyrë aktive armë bërthamore.
Ai pretendoi gjithashtu se kryeministri izraelit Benjamin Netanyahu dhe zyrtarë të tjerë kishin lobuar drejtpërdrejt te Trump, duke ofruar informacione që sipas tij nuk konfirmoheshin nga kanalet zyrtare amerikane.
Gjatë intervistës, Carlson theksoi një ndarje të thellë mes interesave të SHBA-së dhe atyre të Izraelit, duke pretenduar se objektivi i këtij të fundit shkon përtej ndalimit të armëve bërthamore dhe synon ndryshimin e regjimit në Iran./PiranjatNews/
