Radhë e gjatë automjetesh është krijuar në pikën kufitare të Kakavijës, në krahun e palës greke.
Burime nga...
BOTA
Kush është biznesmeni grek që po sfidon tensionet në ngushticën e Hormuzit
PiranjatPërditësimi i fundit 11 Mars 2026, 07:14
Një nga figurat më të njohura të transportit detar, biznesmeni grek George Prokopiou, po tërheq vëmendjen ndërkombëtare pasi cisternat e kompanisë së tij kanë kaluar përmes Ngushticës së Hormuzit, pavarësisht tensioneve të larta në rajon.
Sipas raportimeve të mediave ndërkombëtare, të paktën pesë anije të kompanisë Dynacom Tankers, në pronësi të sipërmarrësit 79-vjeçar, kanë kaluar në këtë korridor strategjik detar, nga ku kalon rreth 20% e naftës së tregtuar në botë.
Për të realizuar këto udhëtime me rrezik të lartë, cisternat kanë marrë masa të veçanta sigurie, duke pasur edhe roje të armatosura në bord dhe duke fikur transponderët që tregojnë pozicionin e anijes.
Megjithatë, misionet konsiderohen shumë të rrezikshme, sidomos për ekuipazhin, pasi ushtria iraniane ka sulmuar tashmë disa mjete detare në zonë.
Sipas raportimeve, kompania u ka premtuar marinarëve rritje të konsiderueshme pagash dhe kompensime të larta në rast vdekjeje apo plagosjeje të rëndë.
Megjithatë, rreziku shoqërohet edhe me fitime të mëdha. Kërkesa për transport nafte është rritur ndjeshëm dhe disa vende, përfshirë Kinën, janë të gatshme të paguajnë deri në 500 mijë dollarë në ditë për cisternat që transportojnë naftë përmes Hormuzit, rreth pesë herë më shumë se para shpërthimit të konfliktit.
George Prokopiou konsiderohet një nga figurat më të fuqishme në industrinë detare. I lindur në Athinë në vitin 1946, ai bleu cisternën e tij të parë në vitet ’70 dhe themeloi kompaninë Dynacom Tankers në vitin 1991. Sot flota e tij numëron 73 anije dhe mbi 5 mijë e 500 marinarë.
Pasuria e tij vlerësohet rreth 4.7 miliardë dollarë. Prokopiou njihet për stilin e jetesës relativisht diskret. Udhëton me një Mercedes të vjetër të zi, mban gjithmonë një kapele bejsbolli dhe kalon një pjesë të madhe të kohës në jahtin e tij luksoz “Dream”.
Kompania e tij ka transportuar në vitet e fundit edhe naftë ruse, duke deklaruar se respekton kufizimet e çmimeve dhe sanksionet ndërkombëtare. Fitimet e mëdha nga transporti detar kanë bërë që kompania të porosisë edhe 53 cisterna të reja, ndërsa krizat globale dhe tensionet në rrugët detare kanë rritur ndjeshëm kostot e transportit dhe fitimet e armatorëve.
