Policia e Shtetit ka nxjerrë një shkresë urgjente drejtuar komisariateve të Tiranës, ku kërkon marrjen e një sërë...
BOTA
Meksika në kaos dhe flakë pas vdekjes së “El Mencho”
PiranjatPërditësimi i fundit 23 Shkurt 2026, 09:58
Vrasja e Nemesio Oseguera Cervantes, i njohur si “El Mencho”, lideri i frikshëm i kartelit Jalisco New Generation Cartel (CJNG), ka tronditur Meksikën dhe ka ndezur një valë dhune që ka përfshirë shumë shtete. Operacioni i forcave speciale në Tapalpa, Jalisco, la katër anëtarë të kartelit të vrarë dhe tre ushtarë të plagosur.
Por hakmarrja e CJNG ishte e menjëhershme. Qindra bllokada rrugësh, automjete të djegura nëpër qytete shpërndanë panik, ndërsa qytetarët regjistruan shtëllunga tymi mbi Guadalajara dhe përshkruan Puerto Vallarta si një “zonë lufte”. Guvernatori shpalli “kod të kuq”, pezulloi transportin publik dhe anuloi aktivitetet masive dhe shkollore, / Piranjat News/
Dhjetëra të arrestuar, dyqane të djegura dhe 20 degë bankash të sulmuara tregojnë shkallën e kaosit. Presidentja Claudia Sheinbaum siguroi se ka koordinim të plotë mes autoriteteve federale dhe shtetërore, duke bërë thirrje për qetësi. Ndërkohë, SHBA kishte dhënë inteligjencë për operacionin dhe kishte ofruar më parë një shpërblim prej 15 milionë dollarësh për kapjen e El Menchos.
59-vjeçari, ish-polic, konsiderohej një nga trafikantët kryesorë të fentanilit drejt SHBA-së. Megjithatë, vdekja e tij nuk ka dhënë qetësi, por ka nxjerrë në pah fuqinë dhe shtrirjen e kartelit. Për Meksikën, beteja duket se sapo ka nisur./Piranjat News
