Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
BOTA
Turqi/ Erdogan e quan Kilicdaroglu "pijanec", rezultati i zgjedhjeve të së dielës konsiderohet ende i pasigurtë
PiranjatPërditësimi i fundit 8 Maj 2023, 10:53
TURQI-Më pak se një javë nga zgjedhjet vendimtare në Turqi , tensioni mes “kampeve” të presidentit Recep Tayyip Erdogan dhe kandidatit të opozitës së bashkuar Kemal Kilicdaroglu është në kulmin e tij. Rezultati i zgjedhjeve të së dielës konsiderohet i pasigurt, pavarësisht sondazheve që “tregon” Kiliçdaroglun, ndërkohë që klima e polarizuar parazgjedhore që është krijuar është më e forta në historinë e fundit të vendit.
Krahas konfrontimeve të rënda verbale, sipas partive opozitare ka edhe incidente provokuese, si sulmi i djeshëm ndaj kryetarit të bashkisë së Stambollit, Ekrem Imamoglu , gjatë mitingut të tij parazgjedhor në qytetin e Erzerumit.
Imamoglu u sulmua me gurë nga rreth 200 persona, të cilët i përkasin Partisë së Veprimit Nacionalist të Ujqërve Gri dhe partisë islamike Huda-Pa, menjëherë pasi filloi fjalimin e tij nga çatia e një autobusi. Në fakt, ai u përpoq të qetësonte turmën e mbledhur për të shmangur më të keqen, duke folur për “provokime”, ndërsa deklaroi se do të bënte denoncim ndaj drejtorit të Sigurimit, prefektit dhe kryetarit të bashkisë.
Në të njëjtën kohë, në një "shfaqje force" në "kështjellën" e Ekrem Imamoglu, presidenti turk Tajip Erdogan vazhdoi me një tubim të madh parazgjedhor në Stamboll, me mediat proqeveritare duke folur për një turmë që preku 1.7 ndjekës të partisë në pushtet AKP.
Erdogan ka sulmuar edhe një herë personalisht Kemal Kilicdaroglu, duke e quajtur "pijanec". Përpara një turme të madhe, presidenti turk tha për rivalin e tij kryesor: “Mund të pini birrë sa të doni. Kombi im nuk do t'ia linte Turqinë një pijanec". /Dosja.al
