Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
INVESTIGIME
Autori i vrasjes së italianit, biznesmen me gurore në Vlorë dhe familje të përfshirë në drogë
PiranjatPërditësimi i fundit 30 Shtator 2025, 10:12
Kamber Sulçaj është personi që i mori jetën biznesmenit italian Edoardo Sarchi, në ngjarjen tronditëse të ndodhur në Tepelenë.
48-vjeçari, i shpallur në kërkim për këtë krim, nuk është emër i panjohur për drejtësinë. Ai rezulton të jetë aksioner në një gurore në Brataj të Selenicës, në Vlorë, të quajtur “Stone Quramenga”.
Kamber Sulçaj zotëron 25% të aksioneve në këtë subjekt, ndërsa babai i tij, Delo Sulçaj, ka 20% dhe vëllai Akil (alias Ermal) Sulçaj mban 15%. Në të njëjtën kompani janë aksionerë edhe dy persona të tjerë që nuk kanë lidhje familjare me Sulçajt.
Përveç interesave të tij në industrinë e nxjerrjes së gurëve, Kamber Sulçaj zotëron edhe një stan me bagëti dhe një sipërfaqe të konsiderueshme pyjore në zonën e Selenicës, të marrë me qira nga Bashkia.
Familja Sulçaj është përfshirë më parë në veprimtari të paligjshme. Në maj të vitit 2021, në Vlorë, vëllai i Kamberit u arrestua së bashku me kushëririn e tyre Roel Sulçaj. Të dy u kapën me 2632 fara kanabisi, të cilat dyshohej se do t’i përdornin për kultivim./Piranjat.al
Të gjitha të drejtat e këtij materiali janë pronë ekskluzive dhe e patjetërsueshme e Piranjat.al sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al në të kundërt çdo shkelës do të mbajë përgjegjësi sipas nenit 179 të Ligjit 35/2016
