I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
INVESTIGIME
Neglizhenca e Bashkisë së Tiranës rrezikon një lagje në kryeqytet/ Dhjetëra banorë në rrezik dhe drejtorët me fjalor rruge
e. dPërditësimi i fundit 18 Tetor 2024, 21:54
TIRANË- Prej katër vitesh banorët e rrugës "Kol Kamsi" në kryeqytet sorollaten dyerve të institucioneve të Bashkisë së Tiranës, pa marrë zgjidhje pas fatkeqësisë natyrore të shkurtit të vitit 2021, ku reshjet e shiut shkaktuan një rrëshqitje masive dheu, duke u bllokuar rrugën dhe portat e shtëpive. Ndërsa për disa banorë të tjerë, dëmet ishin më të mëdha. Pasuaria e ngritur me djersen e ballit, u mor poshtë nga masivi i dheut, duke shaktuar një dëm të madh ekonomik, por mbi të gjitha pasiguri për të nesermen dhe një traumë të madhe, e shkaktuar nga gjithë ajo që ndodhi.
Pas fatkeqësisë, banorët iu drejtuan Njësisë Administrative nr 2 në kryeqytet, e cila mbulon dhe zonën ku ndodhi rrëshqitja. Siç shprehet vetë banori Hamit Hastoçi, ky institucion nuk mori asnjë masë konkrete, por vetëm i përcillte nga zyra me fjalë të mira. Por rasti nuk ishte për këtë pritje. Duhej ndërhurje e menjëhershme. Pasi masivi i dheut i rrëshqitur kishte bllokuar rrugën dhe portat e shtëpieve, duke izoluar banorët. Këtu, Bashkia e Tiranës, në vend që të hapte rrugën, përkundrazi u bë pengëse, duke bllokuar dhe mjetet e rënda të siguruara nga vetë banorët për largimin e masivit të dheut. Siç shprehet një prej banorëve, bashkia bëri vetëm një punë, mori drurët dhe la dheun. A është normale kjo? Sigurisht që jo, të paktën jo në një vend që aspiron të jetë pjesë e Bashkimit Europian dhe në bashkinë më të madhe në vend, me një buxhet prej miliona eurosh.
Të gjendur përballë kësaj situate, banorët ishin të detyruar të iknin në banesat e tyre duke kaluar përmes baltës. Më e vështirë kjo rrugëishte për fëmijët, të cilët e nisnin ditën e shkollë me një stres të madh se si të kalojnë rrugën. Hastoçi me kërkesë të Emergjencave Civile pranë Bashkisë së Tiranës ka dorëzuar plot katër projekte teknike që do i jepnin zgjidhje situatës, por studimet zunë plihur në sirtaret e institucioneve. Në një prej bisedave me specialistët e Emergjencave Civile, punonjësja shprehet se projekti ka kaluar në Këshillin Teknik, por askush nuk i thotë se përse nuk është bërë asgjë.
"Qershia mbi tortë" ishte takimi që Hamit Hastoçi kishte me drejtorin e Emergjencave Civile të Bashkisë së Tiranës, Kosta Bordushi. Ky i fundit pas një diskutimi aspak të qetë, mendon se është në një kafe dhe shpalos fjalorin e rrugës, përballë një qytetari që prej katër vitesh harxhoi të paktën 20 mijë euro me studime teknike, që nuk i pa askush, por u bënë stivë në zyrat e Emergjncave Civile, Bashkisë së Tiranës dhe Njësisë Administrative numër 2.
Ndërkohë ne, iu drejtua, fillimisht Njësisë Administrative numër 2, ku u përballem me arrogancën e stafit dhe atë të kreun të kësaj njësie, Florian Pullazi. Një zotëri që nuk ishte aspak i lumtur që ishim aty. Kjo mbase dhe kuptohet, askush nuk dëshiron të japë llogari. Pas lojërave të fjalëve, Pullazi nuk dha asnjë sqarim konkret se përse prej katër vitesh është zvarritur një punë që duhet të kishte marrë zgjidhje të menjëhershme. Vetë Shërbimi Gjeologjik Shqiptar, në studimin e tij shprehet se duhen marrë masa të menjëhershme, pasi një rrëshqitje tjetër në atë zonë do të kishte pasoja edhe më të rënda se rrëshqitja e regjistruar në vitin 2021. Por dhe pse përballë një raporti kritik për situatën, institucionet e Bashkisë së Tiranës, nuk morën asnjë masë, duke bërë një "ping-pomg", institucional dhe duke e pasuar topin sa në një institucion në një tjetër.
Në bashkinë qendrore, askush nuk denjon të presë qytetarët, por kjo anomali vihet re dhe në të gjitha institucionet që janë në varësi të Bashkisë së Tiranës. Pas gjithë kësaj, trokitëm vetë në zyrën e drejtorit të Emergjencave Civile të Bashkisë së Tiranës, Kosta Bordushi, i cili pranon neglizhencën, duke u munduar që t'ia pasojë topin e përgjegjësisë paraardhësve të tij. Në fund të paktën morëm një lajm të mirë, tashmë projekti i dorëzur nga Hamit Hastoçi ka kaluar jo vetëm në Këshillin Teknik, por ka marrë dhe miratimin e Instututit të Ndërtimit dhe institucioneve të varësisë që mund t zgjidhnin "ngërçin" e krijur, e gjitha nga burokracitë e Bashkisë së Tiranës.
Në fund drejtori na kërkon që ta falenderojmë se ka bërë punën. Në një delir absurd, ky njeri kërkon të falenderohet për një punë që ishte i detyruar ta zgjidhte shumë kohë më përpara. Por mbi të gjitha do e kishim falenderuar sikur të dinte të priste qytetarët si njerëz normal në zyrë dhe pa përdorur fjalor rruge.
Sot pas katër vitesh, një gjë është e sigurt, se neglizhenca e Bashkisë së Tiranës po rrezikon një lagje të tërë dhe jetën e dhjetëra banorëve.
