Rrjetet Sociale janë kthyer në një pjesë të rendësishme të çdo dite, për secilin prej nesh

TIRANË- Si në jetën reale, hasemi me të mirën e te keqen, mençurinë e budallallëkun njerëzor, dashurinë e ligësinë. Në morinë e komenteve që vijne nga njerëz të njohur e të panjohur, të bie në sy gjuha e urrejtjes e cila tashmë është normalizuar.

"Vetë i bën publike, sigurisht që do presësh edhe të të shajnë" është komenti që të thuhet më shpesh. Në syrin e ciklonit, janë gjithmonë personazhet publike të cilët zgjohen e flenë me urrejtjen e shumë prej atyre që i përdorin rrjetet sociale për të shfryrë frustracionet personale.

Normalizimi i sharjeve, fyerjeve, shantazheve, merr një kthesë edhe më të errët kur bëhet fjalë për gra shtatzëna e fëmijë të vegjël. Mungesa e ligjeve dhe kontrollit të botës virtuale që tashmë është përditshmëria jonë, nuk e njeh limitin dhe as empatinë për këto dy shtresa tejet të brishta të shoqërisë.

Aulona Musta, Liesa Haxhiasllani, Mikela Pupa dhe superpiranja Dojna Mema kanë ndarë pikërisht disa prej mesazheve më të shëmtuara me të cilat janë hasur gjatë shtatzënisë apo mëmësisë. Psikologia Denada Toçe analizon të gjithë faktorët dhe shpjegon se si ndikon ky fenomen në psikologjinë e një gruaje shtatzëne apo një nëne të re. Personazhet publikë janë "mësuar" me këtë mori negativiteti, por kjo nuk do te thotë se nuk jane vulnerabël për tu lënduar. Dhuna është e pajustifikueshme sidoqoftë ajo!

piranjat bullizimi