‘Përmes kompanive të kontrolluara nga Roni Efeti, ushtria shqiptare sot furnizohet me pajisje, teknologji dhe lëndë të parë ...
LIFESTYLE
I mbijetoi kancerit, Covid-it dhe 2 frakturave/ 101-vjeçarja super-fit zbulon dy ushqimet që NUK duhet t’i prekni! “Jam shembull për të gjithë”
PiranjatPërditësimi i fundit 28 Nëntor 2025, 13:34
Inaxi Lasa, 101 vjeçe nga Beasain pranë Bilbaos në Spanjë, është bërë sensacion në rrjetet sociale falë stilit të saj të pabesueshëm të jetesës. Me mbi 130 mijë ndjekës në Instagram dhe TikTok, ajo është prova e gjallë se mosha është vetëm një numër.
E moshuara ka kaluar nëpër përvoja jetësore që do ta rrëzonin çdo njeri tjetër: Luftën e Dytë Botërore, kancerin e gjirit, dy fraktura të legenit, operacion për glaukomë, degjenerim makular dhe madje edhe shtrim në spital nga Covid-19 në moshën 98-vjeçare. Por sot, ajo kalon dy orë në ditë në palestër dhe ndihet më e fortë se kurrë. “Luftoj çdo ditë me osteoartritin, por stërvitja më mban gjallë,” – tregon Inaxi, e cila ka nisur të shkojë në palestër që në moshën 94-vjeçare, pasi kujdestari i saj i dha kartën e anëtarësimit.
Ajo shkon rregullisht me djalin e saj 63-vjeçar dhe bën stërvitje të ndryshme por jo kardio. “Kam pasur dy trajnerë personalë në fillim, tani i bëj vetë. Stërvitja është ilaçi më i mirë për çdo të moshuar.” Përveç aktivitetit fizik, Inaxi ndjek një dietë të pastër, të thjeshtë dhe të bazuar te produktet e freskëta.
Ajo ka një rregull të hekurt: Shmang dy gjëra – miellin dhe sheqerin.
Sipas saj, çelësi i jetëgjatësisë është kombinimi perfekt i vajit të ullirit, perimeve të freskëta, mishit të bardhë dhe një jete aktive.
“Ne jetojmë në fshat dhe hamë shumë fruta e perime. Asgjë e përpunuar. Mish të bardhë, vaj ulliri, dhe shumë lëvizje – kjo është receta,” – thotë ajo. Inaxi, që ka kaluar gjithë jetën në bujqësi, ndihet e lumtur që është kthyer në burim frymëzimi për të tjerët. “Më shkruajnë dhe më thonë se i motivoj. Më pëlqen shumë që jam shembull për njerëzit e tjerë.”
