“Llogaria juaj bankare është bllokuar”, AKSK paralajmëron qytetarët për mesazhet në emër të BSH

Autoriteti Kombëtar për Sigurinë Kibernetike njofton se qytetarëve u dërgohen mesazhe ku pretendohet se llogaria e tyre bankare është bllokuar. Linku i përfshirë në SMS i drejton ata drejt faqeve të klonuara të bankave të nivelit të dytë, me qëllim vjedhjen e të dhënave të kartave dhe kodeve të verifikimit.

AKSK këshillon qytetarët të mos klikojnë lidhje të dyshimta dhe të mos ndajnë të dhënat bankare. Në rast se i kanë vendosur ato në faqet mashtruese, duhet të kontaktojnë menjëherë bankën përkatëse.

Autoriteti Kombëtar për Sigurinë Kibernetike

͏Autoriteti Kombëtar për Sigurinë Kibernetike (AKSK) ka identifikuar një rast mashtrimi që përdorte emrin e Bankës së Shqipërisë për t’u dërguar qytetarëve SMS me pretendimin se llogaria e tyre bankare ishte bllokuar. Link-u në mesazh i drejtonte përdoruesit te faqe të klonuara të disa bankave të nivelit të dytë, me qëllim vjedhjen e të dhënave të kartës dhe kodeve të verifikimit.

Si të mbroheni?

- Mos klikoni lidhjet në SMS që pretendojnë se llogaria juaj bankare është bllokuar.

- Mos jepni të dhënat e kartës apo kodet e verifikimit.

- Verifikoni çdo njoftim përmes aplikacionit ose kanaleve zyrtare të bankës suaj.

Banka e Shqipërisë nuk kërkon pagesa apo të dhëna kartash nga qytetarët.

Nëse keni vendosur të dhënat tuaja në një nga këto faqe, kontaktoni menjëherë bankën për të marrë masat e nevojshme.