Muriqi: Ëndrra ime të luaj me Kosovën në Europian ose Botëror

Legjenda e futbollit kosovar, Vedat Muriqi ka dhënë një intervistë për mediat izraelite, në vigjilje të ndeshjes së rëndësishme ndërmjet Kosovës dhe Izraelit, e cila zhvillohet sot nga ora 15:00 në stadiumin “Fadil Vokrri” në Prishtinë.

Sulmuesi i Kosovës ka folur për pritshmëritë nga kjo ndeshje, mundësinë e kualifikimit në një turne madhor me Përfaqësuesen dhe formën e tij të mirë në nivel klubesh.

I pyetur nëse do të preferonte ta fitonte Ligën e Kampionëve apo të arrinte një sukses historik me Kosovën, Muriqi nuk ka lënë vend për dilema, duke theksuar se ëndrra e tij është ta dërgojë Kosovën në një turne të madh.

“Padyshim, avancimi në turne madhor me Kosovën”, ka deklaruar Muriqi. /Sinjali

Sulmuesi i Fenerbahces, i cili ka regjistruar 71 paraqitje dhe 33 gola me fanellën e Kosovës, është shprehur krenar që përfaqëson vendin e tij dhe që mban epitetin e golashënuesit më të mirë në historinë e ekipit më të ri përfaqësues në kontinentin europian.