Pak javë më parë ju treguam skemën që ka nisur të aplikohet në masë nga ekzekutivi për të anashkaluar transpar...
BOTA
"Një milion prej nesh në rrugë"/ Italia bëhet gati për protesta masive të shtunën pas grevës 24-orëshe të sindikatave
PiranjatPërditësimi i fundit 30 October 2026, 21:10
Një ditë mobilizimi social në të gjitha qytetet dhe sheshet kryesore të Italisë. Përveç grevës së përgjithshme kombëtare 24-orëshe, të thirrur nga USB (Unioni i Sindikatave Bazë), e cila përfshinte punonjës të sektorit publik dhe privat, mëngjesin e së premtes, më 30 tetor, nisën edhe disa marshime paralele të organizuara nga grupe studentësh të shkollave të mesme dhe universiteteve.
Tensionet vijuan deri në orët e pasdites në Napoli, Bolonjë dhe Torino. Në Gjenova, hyrja e portit u bllokua, ndërsa në Milano, ashtu si edhe në qytete të tjera, unaza lindore u mbyll për trafikun për disa orë. Në Romë, protestuesit u përleshën me policinë, teksa përpiqeshin të çanin kordonin e sigurisë dhe ta zhvendosnin protestën drejt godinës së Parlamentit. Tetë persona u arrestuan.
Mobilizimi u përqendrua te çështje të rëndësishme, si rritja e kostos së jetesës, përshtatja e pagave me inflacionin dhe kundërshtimi i rritjes së shpenzimeve ushtarake të shtetit.
Në grevë u përfshi edhe sektori i shëndetësisë, me punonjësit që ndërprenë punën nga fillimi i turnit të parë të mëngjesit të së premtes deri në përfundimin e turnit të fundit të mbrëmjes. Megjithatë, nivelet minimale të kujdesit shëndetësor dhe të gjitha shërbimet e urgjencës do të garantohen.
Urdhri i Salvinit për pezullimin e grevës, i kundërshtuar nga sindikatat
Një ditë më parë u shënua një tjetër përplasje mes sindikatave dhe Ministrisë së Transportit. Matteo Salvini ndërhyri përmes një urdhri për shtyrjen e grevës së transportit në një datë tjetër, me qëllim shmangien e ndërprerjes së shërbimeve gjatë periudhës së festave të Ditës së Gjithë Shpirtrave dhe Ditës së të Gjithë Shenjtorëve.
Megjithatë, Unione Sindacale di Base (USB) e kundërshtoi këtë masë, duke e cilësuar të paligjshme dhe duke konfirmuar se protesta do të zhvillohej sipas planit, gjatë gjithë ditës. /PiranjatNews/
