Deputeti i Partia Demokratike Arian Ndoja ka qenë i ftuar në emisionin e mëngjesit ‘Kafe Shqeto’ në Syri tv.
Gjatë bised...
POLITIKE
“Absurde rritja e pagave për gjyqtarët”/ Berisha reagon për deklaratën e Ramës: Mercenarit të Skapit ia ka bërë rrogën 7 mijë euro
PiranjatPërditësimi i fundit 2 Shkurt 2026, 12:00
Kreu i opozitës Sali Berisha ka komentuar sot para gazetarëve deklaratën e kryeministrit Edi Rama për pagat e gjyqtarëve.
Ndër të tjera Berisha tha se mercenarit të SPAK, Rama i dha rrogën 7 mijë euro, ndërsa kërkesën e gjyqtarëve kryeministri e quan absurde.
Sali Berisha: Ka dy aspekte. Së pari ai po bën gjithçka që të ndikojë sepse e ka jashtëzakonisht të rëndësishme.
Në lidhje me pagat, dua të them një të vërtetë. Asnjë diskutim se piramida e pagave është kompetencë e ekzekutivit dhe vetëm e tij, përveç se ndërmarrjet ekonomike publike. Në këtë kontekst, në pamje të parë gjykata nuk ka asnjë lidhje. Por nëqoftëse ekzekutivi e ndërton kokë poshtë piramidën, unë nuk e kuptoj se gjykata nuk mund të ndërhyjë.
Në ç’kuptim? Piramida parashikon rrogën më të lartë kreut të shtetit. Piramida ka një shkallare me disa shkallë.
Vërtetë ajo është kompetencë ekskluzive, por vërtetë ekzekutivi është i detyruar ta ushtrojë atë kompetencë në përputhje me parimet, frymën dhe gërmën e ligjit. Edi Rama ka shkelmuar me dy këmbët e tij ligjin.
I ka vu mercenarit të SKAPI-t rrogën 7 mijë euro. Një delinkuenti, se kjo tribunë këtu do të vazhdojë, vetëm kini durim. Një delinkuenti i ka vënë rrugën 7 mijë euro. Atëherë çdo gjykatës i lartë, çdo gjykatës Kushtetues, Prokurori e Përgjithshme kanë të drejtë të ndihen të shkelmuar, të poshtëruar nga qeveria në vendimin e saj.
