Të dielën në darkë, sheshi kryesor i Beogradit u kthye në një arenë gëzimi për mijëra të rinj dhe qytet...
POLITIKE
Berisha: Ilir Proda mashtroi publikisht, s’pati policë të plagosur!
PiranjatPërditësimi i fundit 25 Janar 2026, 12:43
Kreu i opozitës, Sali Berisha, akuzoi Policinë e Shtetit për dhunën e ushtruar, por edhe për mashtrimin se pati efektivë të plagosur.
Ai u shpreh se protesta e djeshme që do të vazhdojë deri në rrëzimin e regjimit, pasi është në kilometrin e fundit, ishte një revoltë ndaj korrupsionit të zv/kryeministres Belinda Ballukut, skandaleve te AKSHI, krimit të organizuar dhe aferave të qeverisë së Ramës.
“Ishte një revoltë kundër korrupsionit, Ballukut, AKSHI-t, Ramës dhe suitës së tij, kundër narkoshtetit. Përpjekje monstruoze në panik për të mbuluar krimet monstruoze të Ramës, Ballukut, Agasit, Linda Ramës, Linda e Akshit dhe e Surrelit, e të tjera. Dënoj keqtrajtimin që iu bë qytetarëve dhe terrorin e Policisë. Ilir Proda mashtroi publikisht, tha se ka pasur 12 policë të plagosur. E paralajmëroj Ramën direkt se do mbajë përgjegjësi për dhunën ndaj protestuesve. Për çdo akt dhune ndaj qytetarëve do mbaj përgjegjësi dhe do marrë dënimin e merituar”, tha ai.
Berisha mbrojti protestuesit për hedhjen e sendeve ndaj Kuvendit dhe Kryeministrisë dhe tha se protestat do vijnë dhe do forcohen më tej.
“Doli në pah dhuna e banditëve me uniformë, por doli në pah edhe vendosmëria e protestuesve botërisht. E vërteta ishte se pati policë të trullosur nga gazi, por ishte gazi i tyre jo i protestuesve. I përgëzoj protestuesit që hodhën drejt banditëve dhe sulmuan. Siguroj falangat e krimit se protestat e tjera do jenë masive. Asnjë mjet i tyre nuk do e mposhtë revoltën popullore”, vijoi ai.
Berisha tha se ky është kilometri i fundit para finishit dhe i bëri thirrje policëve të ndershëm të mos e mbrojnë as Ramën dhe as suitën e tij të korruptuar.
“I bëjë thirrje policëve të ndershëm që të mos e mbrojnë Ramën. Rama është armik i popullit shqiptar, meriton vetëm ndëshkim bashkë me suitën e tij. Mos u bëni mburojë ndaj një të keqe të madhe që s’e ka njohur Shqipëria në historinë e saj. Ky është kilometri i fundit, asgjë nuk na ndalon ne pa arritur në finish fitimtarë. T’i tregojmë shqiptarëve dhe botës se ne nuk dorëzohemi, t’i tregojmë edhe miqve të Ramës se kanë mbështetur një padrino si ky. Ju i patë përmasat e protestës që do bëhen të papërmbajtjshme dhe ju siguroj se do bëhen”, tha ai.
