Të dielën në darkë, sheshi kryesor i Beogradit u kthye në një arenë gëzimi për mijëra të rinj dhe qytet...
POLITIKE
Berisha: Narkopolicia e komanduar nga Proda i Agasit dhe Suel Çelës dhunoi protestuesit! U mor zvarrë fëmija
PiranjatPërditësimi i fundit 25 Janar 2026, 12:34
Kryetari i partisë Demokratike, Sali Berisha, doli sot në një konferencë për gazetarët, ku denoncoi dhunën barbare dhe agresionin e Policisë së Shtetit, e urdhëruar nga Ilir Proda, të cilin e cilësoi si ushtar të krimit të organizuar dhe të Ramës.
Berisha nënvizoi faktin e agresionit ndaj një fëmije 10-vjeçar që u mor zvarrë dhe ndaj deputetëve të PD-së. Ai tha se u përdor gaz lotsjellës i skaduar që sipas ekspertëve kur kalon data e skadencës kthehet në helm të rrezikshëm për shëndetin, duke shkaktuar deri në verbim
Berisha akuzoi se këto janë aktet e një narkoshteti në panik pas skandaleve galopante të Ballukut dhe të tjerëve.
Berisha: Po luftohet për shqiptarët. Një ogur i bardhë ky për shqiptarët. Do jenë të rinjtë dhe gjenerata e tyre që do përmbysin e largojnë nga pushteti këtë organizatë kriminale.
Dje narkopolicia e Ramës, e komanduar nga Proda i krimit, Proda i Ergys Agasit dhe Suel Çelës, përdori dhunë të egër dhe goditi me të gjitha mjetet.
Përdori gaz të skaduar helmues, që sipas konventave ndërkombëtare nuk duhej përdorur kurrë, ishte i skaduar prej 3 vitesh. Sepse pas skadimit kthehet në helme të tjera, që shkakton dëmtime serioze dhe deri në shikim. U përdorën topa uji dhe mjete të tjera, u goditën me shkopinj protestues paqësorë. U ndaluan brutalisht që lartësohen në akte e krime kundër njerëzimit.
Një turp kombëtar, u mor zvarrë një fëmijë 10 vjeçar dhe u çua në komisariat.
Kur vjen puna për karrigen e tij ai s’ndalet as para fëmijve, me akte kriminale ndaj tyre. U agresuan qytetarë që nuk kishin lidhje me protestën. Dhunë ndaj deputetëve, agresuan disa deputetë. Agresuan nënkryetarin e PD, Luçiano Boçi dhe të tjerë.
Përpjekje monstruoze në panik për të mbuluar krimet monstruoze të Ramës, Ballukut, Agasit, Linda Ramës, Linda e Akshit dhe e Surrelit, e të tjera. Dënoj keqtrajtimin që iu bë qytetarëve dhe terrorin e Policisë.
