Ish-kreu i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjitike Shqiptare (KESH), Erald Elezi, janë ...
POLITIKE
Berisha nuk i kursen batutat: Rama u shpall brend ndërkombëtar korrupsioni nga blogeri afrikan
PiranjatPërditësimi i fundit 2 Mars 2026, 19:01
Kryetari i PD, Sali Berisha ironizoi kryeministrin Edi Rama, pas deklaratës së këtij të fundit, se lufta kundër korrupsionit është më e dëmshme se korrupsioni.
Duke folur në foltoren para zyrës së kreut të qeverisë, Berisha tha se më Ramën u tall edhe blogeri i njohur afrikan, i cili e shpalli kryeministrin e Shqipërisë, një brend ndërkombëtar të korrupsionit.
"Dhe tani në zyrat e lartë të qeverive të tyre na thonë, keni shumë të drejtë, e kuptojmë që kemi qenë të painformuar për narkoshtetin shqiptar, për shtetin e Edi Ramës, për vjedhjet e Edi Ramës’, theksoi Berisha ndër të tjera.
A e dini se çfarë ka ndodhur?
Një bloger afrikan, Samson Oxhiajo, që u bë i famshëm në botë- dëgjojeni edhe ju o policë për të marrë vesh se cili është njeriu që i mbroni zyrën- që u bë i famshëm në mbarë botën sepse shkroi dy rreshta, filan politikan thotë se korrupsioni është i dëmshëm kur nuk jam unë.
Me këtë frazë, Samson pushtoi hapësirën komunikative të botës.
Por çfarë shkruan Oxhiajo para dy ditësh në blogun e tij?
Ai shpall superyll të korrupsionit Edi Ramën.
Edi Rama, informon ai në blogun e tij të famshëm, ka deklaruar se lufta kundër korrupsionit sjell më shumë probleme se sa vetë korrupsioni.
Dhe thotë, pra dëgjojeni, Edi Rama është brendi ndërkombëtar i korrupsionit.
Miqtë tanë, që u kthyen në vendet e tyre, që ishin këto ditë, çfarë mesazhesh sjellin?
Sigurisht tejet të veçanta.
U shokuam nga ato që panë në Shqipëri.
U shokuam nga ato që dëgjuam në Shqipëri.
Dhe tani në zyrat e lartë të qeverive të tyre na thonë, keni të drejtë, keni shumë të drejtë, e kuptojmë që kemi qenë të painformuar për narkoshtetin shqiptar, për shtetin e Edi Ramës, për vjedhjet e Edi Ramës.
Ua thashë këto se shqiptarët duhet të dinë realitetin.
Por e thashë këtë edhe për një arsye tjetër, se në kuptimin më absolut të fjalës, shpresa e vetme jemi ne", tha ai.
