Deklaratat e Ramës për Trump në 2016, Linda Rama: Nuk jam e punësuara e Edit

linda rama

TIRANË- Linda Rama ka folur mbrëmjen e sotme për deklaratat që kryeministri Edi Rama pati 8 vite më parë për Donald Trump në garën presidenciale të asaj kohe.

Në intervistën e saj për "Opinion" ajo u pyet nëse i kishte dhënë ndonjë këshillë Ramës për deklaratat e tij. Linda Rama u shpreh se nuk është e punësuara e kryeministrit për këshilla dhe kjo është diçka që bëhet institucionalisht.

Pjesë nga intervista: 

Blendi Fevziu: Ju nuk doni të thoni që nuk keni asnjë lloj emocioni në këtë rast, pra e ndiqni garën si garë, por a e mbani mend që bashkëshorti juaj 8 vjet më parë për shembull pati një deklaratë kundër Trump në momentin që ai po garonte përballë Hillary Klinton?

Linda Rama: Dhe cila është pyetja këtu?

Blendi Fevziu: Cila është këshilla që i dhatë pasi e dëgjuat se ai nuk e ka bërë pa ju pyetur?

Linda Rama: Nuk jam për t’i dhënë Edit… nuk jam e punësuara e Edit. Këshillimi është moment institucional.

Blendi Fevziu: Po privatisht a folët për këtë gjë, apo nuk e hapët fare si bisedë atëherë?

Linda Rama: Unë mendoj që edhe atëherë e kam parë saktësisht njësoj çështjen e zgjedhjeve personalisht në Shtetet e Bashkuara të Amerikës.

edi rama linda rama