Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
"Gabimi im, toleranca ndaj skemave piramidale"/ Berisha: Nuk kam ndërmend asgjësimin e SPAK, por do ti drejtohem Komisionit të Venecias...
b.zPërditësimi i fundit 28 Shkurt 2025, 22:24
Sali Berisha
TIRANË - Kryetari i Partisë Demokratike, Sali Berisha, ka folur këtë të premte mbi zhvillimet më të fundit politike në vend. I ftuar në emisionin “Zonë e Lirë”, Berisha u pyet ku ka gabuar gjatë qeverisjeve të tij. Ai veçoi skemat piramidale dhe ligjin për pronën. Berisha u shpreh se ai mbetet gabimi i jetës së tij, ndërsa shton se për këtë ka dhënë zgjidhje politike.
“Çdo natë bëj bilancin e ditës, ku gabova, që të mos i përsëris. Së pari, kështu jam tokësor. Ka dy kategori, janë disa si puna ime që besojnë se nuk ka të pagabueshëm. Por bazuar në këtë më jep mundësinë të tejkaloj veten time. Po të marrim momente të veçanta, toleranca e skemave piramidale. Ai mbetet gabimi i jetës time dhe për këtë kam dhënë zgjidhje politike. Ligji i tokës, 7501, ishte i drejtë për kohën. Por u tejkalua dhe desha të ndërhyj. Bullgarët kishin të njëjtin ligj me ne dhe e rishikuan. Nuk e bëra për një kompleks arsyesh",- u shpreh Berisha.
Berisha u shpreh ndër të tjera se nëse opozita vjen në pushtet, në Shqipëri fondacioni i George Soros do të mbyllet.
“Flasim përmbylljen e fondacionit. Ligji i desorisifikimit po përgatitet.” – tha Berisha.
Teksa po fliste mbi SPAK dhe rolin e ktëj institucioni në vend, Berisha deklaroi se Prokurroria e Posaçme sot nuk ka nga askush kontroll institucional dhe sipas tij, ky është gabimi kryesor. Ai tha se nuk ka ndërmend asgjësimin e institucionit të akuzës, por do t’i drejtohet Komisionit të Venecias në lidhje me atë që e quajti “karakteri politik i prokurorisë”.
“Nuk kam pasur kurrë ndërmend asgjësimin e një institucioni të rëndësishëm akuze. Por prokuroria politike është prokurori diktature. Ne kemi jetuar në diktaturë dhe e njëjta prokurori që dënonte kundërshtarët, dënonte edhe ordinerët. Nëse dënohen me fakte, prova dhe dokumente. Kjo prokurori nuk ka kontroll. Askush nuk e kontrollon. Unë e kam fjalën për kontroll institucional. Kjo prokurori ka një problem të tmerrshëm, kontrollon telefonat e gjykatësve ku dërgon dosjet. Në aplikacionet e mia vijnë mesazhe të aferave që nuk kanë asnjë punë të gjykatësve. Nuk duhet kurrsesi që këta të kenë fuqi të ndjekjes dhe persekutimit të gjykatësve që çojnë dosjet. Këto duhen ndryshuar.
Por, duhen ndryshuar në mënyrë të shpejtë. Atëherë unë bashkoj votat me Komisionin e Venecias. Unë do t’u them hajde bëjmë një bilanc. Janë 150 mijë dosje. 62% e popullatës së burgjeve është në paraburgim. Janë disa gjëra që kjo reformë kërkoi ndërhyrje emergjente. Shmanget karakteri politik i prokurorisë. Ne kemi pasur Prokurori të Krimeve të Rënda dhe Task Force, por kanë qenë të gjitha nën kontrollin institucional. Nuk kthehemi te ai sistem.” – tha Berisha.
