Kryeministri Edi Rama ka pranuar se mes protestuesve të muajve të fundit kanë pasur edhe anëtarë, mbështetës dhe votues t&e...
POLITIKE
Monopatinat qarkullojnë nëpër rrugë, Koçiu këmbëngul së janë të ndaluara
PiranjatPërditësimi i fundit 5 Shkurt 2026, 19:36
Ministrja e Brendshme, Albana Koçiu, ka reaguar për situatën e qarkullimit të monopatinave në vend, duke përgënjeshtruar zërat për heqjen e ndalimit.
Përmes një reagimi publik, Koçiu theksoi se udhëzimi për ndalimin e përkohshëm të qarkullimit të monopatinave vijon të jetë në fuqi dhe se Policia e Shtetit mbetet e angazhuar në terren për zbatimin rigoroz të kësaj mase, e cila synon garantimin e sigurisë dhe mbrojtjen e jetës së qytetarëve, veçanërisht të të rinjve.
Reagimi:
“E PAVËRTETË!
Udhëzimi për ndalimin e qarkullimit me monopatina mbetet në fuqi. Nuk ka asnjë vendim për heqjen e masës së ndalimit të përkohshëm. Policia e Shtetit vijon angazhimin e përditshëm në terren për garantimin e zbatimit të plotë të këtij udhëzimi, në përputhje me njoftimet zyrtare të bëra më herët.
Shpreh mirënjohje për qytetarët për bashkëpunimin dhe mirëkuptimin në respektimin e kësaj mase, e cila synon mbrojtjen e sigurisë dhe jetës, në veçanti të të rinjve.
Të dhënat e Policisë së Shtetit dhe të shërbimeve të traumës konfirmojnë një rënie të ndjeshme të numrit të aksidenteve gjatë periudhës së zbatimit të saj.
Ministria e Punëve të Brendshme, në bashkëpunim me institucionet përgjegjëse, po vijon vlerësimin e situatës për të përcaktuar vendimmarrjen më të drejtë, duke vendosur në qendër të çdo hapi sigurinë dhe jetën e çdo qytetari”.
