Kryeministri Edi Rama ka pranuar se mes protestuesve të muajve të fundit kanë pasur edhe anëtarë, mbështetës dhe votues t&e...
POLITIKE
"Politika e jashtme pa busull"/ Tomorri: Rama përpiqet të relativizojë presionin e BE-së
PiranjatPërditësimi i fundit 26 Mars 2026, 18:55
Gazetari Klodian Tomorri, ka kritikuar ashpër qasjen e Edi RamëS në politikën e jashtme, duke e cilësuar atë jo vetëm oportuniste, por edhe ‘të çartur dhe pa busull’.
I ftuar në SYRI TV, Tomorri deklaroi, se qëndrimet e Ramës kanë ndryshuar vazhdimisht në varësi të interesave të momentit. Ai kujtoi periudhën kur kryeministri shfaqej hapur pro-evropian gjatë fushatës elektorale, për shkak të mungesës së aksesit në SHBA, duke deklaruar se ‘busulla jonë është Bashkimi Evropian’.
Më pas, sipas tij, me zhvillimet e reja ndërkombëtare dhe krijimin e mundësive për kontakte në SHBA, Rama e ndryshoi kursin, duke u afruar me politikën amerikane dhe duke kritikuar Evropën.
Në analizën e tij, gazetari u ndal edhe te deklaratat e kryeministrit lidhur me raportet me Bashkimin Evropian. Sipas Tomorrit, pavarësisht toneve ironike dhe batutave të përdorura nga Rama, në thelb ai ka pranuar ekzistencën e një problemi serioz me korrupsionin dhe krimin e organizuar në Shqipëri.
Në përfundim, ai theksoi se kryeministri është i detyruar ta pranojë këtë realitet, por përpiqet ta relativizojë përmes stilit të tij komunikues, duke shmangur përballjen direkte me problemin.
‘Edi Rama ndjek një qasje oportuniste në, në politikën e jashtme. Oportuniste në funksion të interesit të vet personal. Po dakord, po më shumë se oportuniste unë e shoh të çartur e pa, pa busull. Domethënë, më kujtohet Zelenskin kur e mbante në gjoks kokën e tij dhe te intervista që ne e lexuam, Zelenski doli…
Nëse e mbani mend, para, gjatë fushatës elektorale, ë, ky ishte pro-evropian i madh sepse nuk kishte akses me Amerikën dhe thoshte busulla jonë do jetë Bashkimi Evropian. Pastaj ndodhën, ndodhën këto zhvillimet, u krijua Bordi i Paqes dhe aty iu krijua një mundësi të cilën e pamë se si e përvetësoi, për të qenë në një sallë me presidentin Trump dhe e shfrytëzoi, pra, e ktheu drejtimin.
Tani është amerikan dhe thotë që Evropa është në rrugë të gabuar. Më tutje pastaj bën nga këto mufkat me kinezët. Pra, është thjesht një linjë politike e cila nuk, nuk ka fare interesin publik, në themel, po thjesht ndjek interesat dhe, ë, po themi, ë, përfitimet personale të Edi Ramës në rrafshin politik.
Përtej atyre batutave bajate që bën kryeministri, unë mendoj që pjesa më e rëndësishme e asaj, pra e asaj që ai deklaron, është fakti që në një farë mënyre ai pohon që ka një problem shumë, shumë të theksuar që vjen nga Evropa për nivelin e korrupsionit dhe krimin e organizuar në Shqipëri.
Pra unë e shoh si një pranim, të cilin ai mundohet pastaj ta kalojë me këto batutat e veta, që shiko se ne po, ne nuk është se jemi më keq se ju, kështu jeni dhe ju, hajde pimë ndonjë gotë raki edhe vazhdojmë përpara.
Por fakti që detyrohet ta pranojë, tregon ato që ne kemi dyshuar dhe i kemi thënë gjithmonë, pra që nga Bashkimi Evropian ka shqetësime serioze për nivelin e korrupsionit dhe mpleksjen e krimit apo shkrirjen e krimit me shtetin, të cilat ne i kemi parë, qoftë në fakte publike, qoftë në dosjet e SPAK.
Dhe tani kryeministri është vënë me shpatulla pas murit ta pranojë këtë gjë dhe i duhet ta pranojë si fakt, por mundohet ta kalojë me këtë stilin relativizmit.’, u shpreh ndër të tjera, gazetari Klodian Tomorri.
