“Prania besnike e Edi Ramës dhe Erion Braçes”/ Aktivistja përplaset me deputetin: Qeverisë tuaj duhet t’i vijë turp që ka guxim të dalë përballë qytetarëve

Një përplasje verbale është shënuar ditën e sotme mes akivistes Arvina Lleshi dhe deputetit socialist Erion Braçe. Ky rast ka ndodhur gjatë mbledhjes së “Pranisë Besnike” të zhvilluar me banorët në Tiranë, ku ishte i pranishëm deputeti socialist. 

Gjatë mbledhjes, Lleshi ka ndërhyrë dhe ka kritikuar qeverinë dhe deputetin. Ajo i kërkoi deputetit Braçe që të japin dorëheqjen, pasi është pjesë e një qeverie të korruptuar.

Pjesë nga debati:

Arvina Lleshi: Unë mendoj se qeverisë tuaj duhet ti vijë turp që merrni guximin dhe të dilni përballë qytetarëve.

Erion Braçe: Qeverisë tuaj dhe ty të vijë turp janë dy gjëra të ndryshme

Arvina Lleshi: Qeverisë tuaj pra se ti je pjesë e qeverisë

Ndërhyjnë qytetarët…

Arvina Lleshi: Është pjesë e PS deputeti, është deputeti i Edi Ramës, që bën opozitën e Edi Ramës. Edhe këtyre banorëve duhet tu vijë turp që vijnë dhe ju kërkojnë juve për tua zgjidhur hallet. Ju duhet të kishit krijuar politika dhe jo të vinin këta që nuk kanë ujë 24 orë.

Erion Braçe: Ti ta shprehësh mendimin tënd, por jo duke fyer njerëzit.