Deputetja e PD-së, Jorida Tabaku, ka kritikuar çmimin e lartë të karburantit në Shqipëri, duke e cilësuar si një fak...
POLITIKE
Rama e ka vendosur/ Ja rrjedha qe do të marrë afera Balluku
PiranjatPërditësimi i fundit 3 Dhjetor 2025, 16:59
Vetë e zonja e punës, se ka hiç të qartë si do shkojë çështja e saj. Tetë anëtarët e Gjykatës Kushtetuese që duhet të ishin “zotër” të situatës, janë ende me sy e vesh nga godina përbri, për të dëgjuar dhe lexuar çfarë vendimi do marrë Ai, kryeministri, kryegjyqtari, kryeprokurori, kryeredaktori dhe kryepropagandisti i gjithçkaje…
Zëvendëskryeministrja dhe Ministrja e Infrastrukturës dhe Energjitikës Belinda Balluku u mor e pandehur për shkelje të barazisë së pjesëmarrësve në tendera ose ankande publike, gjithashtu iu komunikua edhe masa pezullim nga detyra dhe ndalim për dalje jashtë vendit. Në një situatë normale, vetë e akuzuara duhet të kishte dhënë dorëheqjen dhe në rast se nuk do e bënte diçka të tillë, kryeministri do e shkarkonte, por asnjë nga të dyja nuk ndodhi.
Tashmë Rama duket se ka vendosur të presë çdo të ndodhë për të vënë sërish në provë dhe lojë “drejtësinë e re të pavarur në letra”. Rama ishte mëse i informuar se ndaj Ballukut kishte nisur një procedim penal. Kudo në ambiente të ngushta qarkullonte ky lajm, por në mënyrë të beftë ai e rikonfirmoi në postin e zëvendëskryeministres dhe Ministres së Infrastrukturës dhe Energjitikës. Nuk e mbajti për ta mbrojtur, por për çështje adrenaline personale, ndërsa luan me gjithëkënd. Rama sido të shkojë do të dalë i fituar.
Nëse Gjykata Kushtetuese vendos (vetë ose me diktim nga Ai), që pezullimi nga detyra i Ballukut është konform ligjit dhe se nuk ka ndërhyrje në pushtete e ndara sikurse e ka reklamuar, kryeministri do të dalë i fituar. Së pari ai do krijojë përshtypjen publike këtu, madje edhe ndërkombëtare, se nuk e ka nën kontroll drejtësinë e re sikurse e akuzon kryesisht opozita. Gjithashtu për ta mbajtur në gjumë të thellë “Belën e tij”, do i tregojë anën institucionale, duke i treguar se u ezeurua gjithçka, por edhe anën shpirtërore se për të bëri gjithçka mundi.
Varianti tjetër, i një vendimi (të marrë vetë, ose me ndikim nga Ai), që kushtetuesja të shprehet se pezullimi bie ndesh me ligjin themeltar të vendit, çka do të thotë rikthim në detyrë i Ballukut, Rama sërish do dalë fitimtar, por me ca lodhje me shumë për të përballuar të paktën një javë zhurmën që do ngrihet për “kapjen e drejtësisë”. Në të dyja rastet Rama do jetë në skenën e tearit absurd që ka ndërtuar vetë dhe herë pas here është regjisor dhe aktor i një shfaqjeje që mban publikun të ndarë përçarë dhe pret ti hidhet bukë për të shijuar këtë shfaqje.
Rama do mbahet me idenë se nëse do e kishte të kapur Gjykatën Kushtetuese atëherë nuk do i rrëzonte vendimin për shkarkimin e Veliajt. Gjithashtu do jepte shembuj të krijuar nga “Gëbelsianët Fug-istë”, se edhe Komisioni i Venecias dhe Gjykatat Ndërkombëtare kanë trajtuar precedent të ngjashëm që nuk lejojnë pezullimin nga detyra të një ministry, si pasojë e ndërhyrjes në një pushtet tjetër të pavarur. Fitoret i ka në të dyja xhepat. Vendimi i Kushtetueses nuk do jetë gjë tjetër përveçse një skenar më shumë në shfaqjen e tij të radhës. Sigurinë për të dalë i futuar gjithnjë ia jep opozita e tulatur dhe mbi të gjitha krimi dhe korrupsioni që thirren në apel një herë në dy vite për zgjedhjet lokale ose të përgjithshme.
