Policia e Shtetit ka nxjerrë një shkresë urgjente drejtuar komisariateve të Tiranës, ku kërkon marrjen e një sërë...
POLITIKE
Raporti i IBAR për Shqipërinë: Korrupsion te Tatimet, koncesionet dhe PPP-të. Fenomen i përhapur te të gjitha degët e qeverisjes qendrore dhe vendore
PiranjatPërditësimi i fundit 21 Maj 2026, 19:40
Brukseli ka konfirmuar zyrtarisht miratimin e draftit të qëndrimit të përbashkët të Bashkimit Europian për Shqipërinë, bazuar në raportin IBAR, në grupin e punës COELA, pa asnjë kundërshtim nga shtetet anëtare të BE-së. Dokumenti konsiderohet një hap i rëndësishëm në procesin e negociatave të Shqipërisë, por njëkohësisht edhe një nga raportet më kritike të viteve të fundit për mënyrën sesi funksionon shteti shqiptar.
Edhe pse raporti njeh progresin teknik të bërë nga Shqipëria në kuadër të reformës në drejtësi dhe punës së SPAK-ut, Bashkimi Europian jep një alarm të fortë për korrupsionin sistemik që, sipas dokumentit, vazhdon të dominojë administratën publike dhe jetën ekonomike të vendit.
Në raport thuhet qartë se korrupsioni “mbetet i përhapur në shumicën e fushave të jetës publike dhe ekonomike”, duke përfshirë “të gjitha degët e qeverisjes qendrore dhe vendore”. Për Brukselin, kjo mbetet një nga shqetësimet më serioze për Shqipërinë në rrugën drejt integrimit europian.
Bashkimi Europian identifikon si sektorët më problematikë:
Kadastrën dhe çështjet e pronës; Tatimet dhe administratën fiskale; Doganat; Infrastrukturën publike; Prokurimet publike; Kontratat PPP; Shëndetësinë; Arsimin.
Screenshot 113
“BE nënvizon se korrupsioni mbetet i përhapur në shumicën e fushave të jetës publike dhe të biznesit, duke përfshirë të gjitha degët e qeverisjes qendrore dhe lokale dhe institucionet dhe mbetet një fushë shqetësuese thelbësore. BE nënvizon se Shqipëria duhet të bëjë përparim të konsiderueshëm të mëtejshëm drejt parandalimit dhe trajtimit të natyrës së përgjithësuar dhe të përhapur të korrupsionit. BE vëren progresin e Shqipërisë për të ndryshuar dhe plotësuar më tej kuadrin e saj ligjor dhe institucional në luftën kundër korrupsionit. BE nënvizon se këto masa tani duhet të zbatohen me vendosmëri dhe të kenë ndikim veçanërisht në sektorët më të rrezikuar nga korrupsioni, mbi të gjitha infrastrukturën publike, kadastrën dhe të drejtat e pronës, doganat, administratën tatimore, arsimin, shëndetësinë, prokurimin publik dhe kontratat e Partneritetit Publik Privat”, thuhet në raport.
