Gjesti
KOSOVË- Katër djem, shqiptarë të Shqipërisë, Kosovës, Maqedonisë së Veriut të cilët jetojn&eu...
POLITIKE
Zgjedhjet në Kosovë/ Berisha: Model frymëzimi! Procesi zgjedhor dinjitoz, nderon lirinë e votës dhe demokracinë
b.zPërditësimi i fundit 10 Shkurt 2025, 21:43
Sali Berisha
TIRANË - Kryetari i Partisë Demokratike, Sali Berisha ka përshëndetur zgjedhjet në Kosovë. Në një postim në rrjete sociale, Berisha shkruan se procesi zgjedhor i ndjekur në Kosovë është një model frymëzimi, që nderon lirinë e votës dhe demokracinë.
Berisha teksa ka ndarë shifrat përkatëse me rezultatet e secilës parti, ka uruar Lëvizjen Vetëvendosja e cila kryeson me % më të lartë të votave deri më tani.
Postimi i Berishës;
Kosova votoi! Kosova frymëzon! Të dashur miq, qytetarët e Kosovës votuan dje në zgjedhjet e përgjithshme parlamentare për përfaqësuesit e tyre. Votimi, administrimi i procesit dhe dalja e rezultatit ishin një model frymëzimi. Në zgjedhjet e djeshme, Partia e Vetëvendosjes mori 41% të votave, Partia Demokratike e Kosovës mori 22,16% të votave, Lidhja Demokratike e Kosovës mori 17,60% të votave. Koalicioni Aleanca për Ardhmërinë e Kosovës, Nisma Socialdemokrate, Konservatorët dhe Intelektualët mori 7,46%, Lista Serbe 4,43% dhe Koalicioni për Familjen 2,26%. Me këtë rast uroj përzemërsisht qytetarët, forcat politike, drejtuesit dhe të zgjedhurit e Kosovës, si dhe administruesit e këtij procesi dinjitoz, që nderon lirinë e votës dhe demokracinë. Gjithashtu, uroj fituesin e këtyre zgjedhjeve, Lëvizjen Vetëvendosja.
