Benita Zena rrëfehet pas Big Brother: Kam reflektuar, e kam parë që nuk duhet t’i besoj gjithkujt

Këngëtarja dhe ish-banorja e “Big Brother VIP Kosova”, Benita Zena, është rikthyer në vëmendjen e publikut pas një pauze nga paraqitjet mediatike dhe projektet muzikore.

E ftuar në emisionin “Kosova Today”, Benita tregoi se gjatë kësaj periudhe është marrë me veten dhe ka reflektuar për përvojat e saj, veçanërisht pas përfundimit të aventurës në Big Brother.

“Kam mësuar, kam reflektuar me veten, e kam pa që nuk duhet me i besu gjithkujt, duhesh me e mësu edhe fjalën ‘jo’, sepse para Big-ut nuk e kam ditur atë fjalë”, u shpreh ajo.

Benita tha se pas përfundimit të formatit televiziv kishte nevojë të largohej për pak kohë nga vëmendja publike, duke iu përkushtuar vetes dhe çështjeve personale.