Debat për parodinë e protestës/ Agron Llakaj: Skeçi nuk fyen askënd, ndalni urrejtjen ndaj aktorëve

Premiera e edicionit të 46-të të “Portokalli” u prit me interes të lartë nga publiku që kishte kuriozitetin të shihte programin artistik të përgatitur nën drejtimin e Agron Llakajt që u rikthye pas 16 vitesh në spektaklin më të madh të humorit.
Njëkohësisht shfaqja e parë u shoqërua me polemika. Në rrjet u ndez debati për parodinë e protestës që interpretoi një pjesë e trupës së “Portokalli”. Disa ndjekës në rrjete socialeve nuk i mirëpritën tonet e humorit. Vetë drejtuesi Agron Llakaj nxjerr në dukje qëllim e skeçit.
“Ato personazhe që ne ngritëm në protestën tonë në “Portokalli” janë personazhe që u bënë virale. U bënë meme po aty në protestë. Edhe me njerëz që kanë abuzuar me protestën duke sjellë skena qesharake. Kjo ka qenë dhe nuk ka asnjë qëllim tjetër“, u shpreh drejtuesi i “Portokalli”, Agron Llakaj.
Duke shprehur mbështetjen për protestën që vijon prej gati 130 ditësh, LLakaj theksoi se paradia në teatrin e “Portokalli” nuk kishte për qëllim të fyente askënd dhe kërkoi ndalimin e gjuhës së urrjejtjes ndaj aktorëve.
“Ne nuk shajmë askënd, nuk fyejmë askënd, jo më protestën dhe atë që përfaqëson ajo. Ne jemi artistë të humorit, prodhojmë humor duke përcjellë mesazhe. Konica thotë ‘ti ke gjithë të drejtën tënde për lirinë që ke, por nuk ke pse të fyhesh nga liria ime’“, tha Llakaj.
Spektakli i humorit bazohet thelbësisht në aktualitet dhe përmes ironisë e sarkazmës, thumbon problemet që na shqetësojnë, vijon Agron Llakaj.
“Ne kemi marrë jetën tonë, Shqipërinë tonë, fenomenet politike e sociale dhe i kemi pasqyruar sipas këndvështrimit tonë. Aty ka qëndrim ndaj mazhorancës, Edi Ramës, opozitës, Sali Berishës. Sipas tyre, si mund të ndihen politikanët që janë në optikën tonë. qeshni, merreni jetën më me sportivitet. Ne nuk jemi një zë kundër rrymës“, theksoi Agron Llakaj.
Lexo edhe
SHOWBIZ
“Nuk jam unë k*rva...!”/Roza Lati e indinjuar me komentet fyese vjen me një mesazh të fortë në rrjetet sociale

Kim Kardashian zbulon se punëson 5 dado për katër fëmijët e saj: Jam një prind strikt

Materialet intime të Adi Hilës/ Këngëtarja nga Kosova deklaron emrat e katër figurave të tjera të përfshira në video

Zayn Malik i përgjigjet kritikave për Palestinën: Për të gjithë të hutuarit, shikoni datën

Pas publikimit të videove intime, reagon Bia: Më thatë se s’na duhen vajza si ti në Shqipëri, ama unë s’jam në asnjë video të Adrian Hilë...




