Tenderi 50 milionë euro për mirëmbajtjen e akseve rrugore kombëtare është është shndërruar në një skandal...
SPORT
Fitore me përmbysje mes kaosit e polemikave në shtesë, Mançester Siti mban gjallë ëndrrën e titullit
PiranjatPërditësimi i fundit 8 Shkurt 2026, 20:43
Mançester Siti ka siguruar një fitore shumë të rëndësishme në luftën për titullin kampion në Angli, duke mundur me shifrat 2-1 Liverpulin në një ndeshje të mbyllur mes kaosit.
Sfida ishte shumë e luftuar me skuadrat që shpërdoruan disa raste të mira, për t’u ndezur në minutat e fundit të saj. Fillimisht ishte Szoboszlai i cili me një goditje dënimi spektakolare gjeti avantazhin duke shtangur Donarumën.
Pak minuta më vonë, shifrat u barazuan me Bernardo Silvan pas asistit të Haland. Sapo filluan minuta shtesë, Nunjes nga e djathta fitoi penallti pasi u ndal në mënyrë të parregullt nga Alison, me gjyqtarin që bëri shenjë nga pika e bardhë mes protestave të vendasve. Haland nuk gaboi dhe i dha avantazhin të tijve, të cilët u kthyen thuajse të gjithë në mbrojtje.
Liverpuli sulmoi në kërkim të barazimit, por ishte Siti që gjeti të tretin me Sherki i cili gjuajti që nga mesfusha. Megjithatë, para se topi të shkonte në rrjetë, Szoboszlai tërhoqi Haland dhe ky i fundit bëri të njëjtën gjë, me gjyqtarin që pas verifikimit me VAR anuloi golin dhe dha të kuq për lojtarin e Liverpulit. Një fund kaotik që nuk u kuptua nga asnjëra skuadër, por që gjithsesi solli tre pikë për Sitin që mban gjallë garën për titull duke ndjekur me 6 pikë Arsenalin kryesues.
