Një ngjarje e rëndë ka ndodhur në Kosovë, ku një 49-vjeçare ka humbur jetën.
Viktima është Arlinda ...
SPORT
Milan, pozicioni i Tares vihet në dyshim, Furlani i kthehet pistës Tony D’Amico
PiranjatPërditësimi i fundit 9 Maj 2026, 12:02
Në mënyrë të papritur, pas vetëm 1 viti, Igli Tare e sheh veten në dyshim të fortë, pozitat e tij si Drejtor Sportiv i djallit janë lëkundur ndjeshëm, kjo si pasojë e disa gabimeve gjatë merkatos, ose më saktë disa lëvizje nuk rezultuan ashtu si Tare shpresonte. Në veçanti mbi Igli Taren rendojnë dy blerje, ajo e Christophe Nkunku dhe Jashari.
Sulmuesi francez zbarkoi në Milano si një blerje e bujshme, si lojtari që do të mbante peshën e sulmit, por fusha e lojës vërtetoi të kundërtën, Nkunku rezultoi një luskë, ku pjesën më të madhe të sezonit e kaloi në stol. Pikërisht kjo zgjedhje ndikoi drejtpërdrejtë edhe në rendimentin e Milanit në fazën sulmuese, një rendimet shumë i dobët duke thyer rekorde shekullore.
Jashari ishte gjithashtu një zgjedhje e fortë e Igli Tares, e kërkoi me çdo kusht për t’i besuar çelësat e mesfushës, por edhe Jashari ashtu si Nkunku rezultoi një dështim. Në këto kushte, këto zgjedhje, kanë bërë që pozicioni i Igli Tares në krye të Milan të vihet në dyshim të fortë, mbi të gjitha nëse “djalli” nuk arrin as të sigurojë një vend në Champions League.
Corriere dello Sport zbulon se Furlani i është rikthyer edhe një herë pistës Tony D’Amico, drejtori sportiv i Atalantës, një personazh që e kërkoi me insistim edhe një vit më parë, por në pamundësi për të siguruar shërbimet e tij zgjodhi Igli Taren.
