Një aksident rrugor është regjistruar paraditen e së premtes në autostradën Tiranë-Durrës, pranë zonës së...
SPORT
Qëndron Muçi, presidenti i Trabzonspor konfirmon dëshirën e teknikut Tekke për të mbajtur në skuadër fantazistin kuqezi
PiranjatPërditësimi i fundit 8 Maj 2026, 13:23
E ardhmja e Ernest Muçit merr një kthesë 360 gradë! Presidenti i Trabzonspor, Ertugrul Dogan, ka dhënë lajmin e madh duke konfirmuar se klubi kërkon ta mbajë me çdo kusht “bomberin” shqiptar, pas insistimit të trajnerit Fatih Tekke.
Gjatë një prononcimi për “aspor”, Dogan u shpreh i qartë: trajneri Fatih Tekke ka një qëndrim pozitiv për Muçin dhe drejtuesit po punojnë për të ruajtur bërthamën e skuadrës. Ky është sinjali më i fortë se Trabzonspori është gati të paguajë për ta blerë përfundimisht kartonin e tij nga Besiktas.
Ish-lojtari i Tiranës po jeton sezonin më të mirë të karrierës së tij:13 gola 8 asiste 32 ndeshje sezonale Pavarësisht një dëmtimi në prill, ai mbetet pika referuese e sulmit dhe i preferuari i trajnerit Tekke. Trabzonspori ka projektuar një ofertë prej 5 milionë eurosh, ndërsa Besiktas kërkon 8.5 milionë euro dhe nuk pranon ulje.
Data 10 maj është dita e fundit kur Trabzonspori mund të ushtrojë të drejtën e blerjes. Koha po mbaron dhe drejtuesit duhet të vendosin nëse do të plotësojnë kërkesën e Besiktasit për të mbajtur yllin shqiptar.
Muçi është kthyer në një nga lojtarët më të rëndësishëm në Turqi dhe javët e ardhshme do të përcaktojnë nëse ai do të vazhdojë të shkëlqejë në Trabzon apo do të ketë një tjetër destinacion.
