"Ti na the se e munde kancerin", gazetarja prek me fjalët për humbjen e Saimir Vishajt: Po i jepte lamtumirën kujtdo që e njihte

Gazetarja e njohur Anila Hoxha, ka shkruar një mesazh të ndjerë për ikjen e parakohshme të avokatit Saimir Vishaj. Pas disa ditësh në koma, për shkak të një rrëzimi nga shkallët, avokati i njohur qëndroi për tre ditë në intubim dhe sot familja njoftoi lajmin e trishtë.

Ajo shkruan se pak ditë më parë, Saimir Vishaj kishte përfunduar dhe seancat e terapisë për rikuperimin nga kanceri, të cilin e mposhti rreth një vit më parë, dhe kështu u thoshte dhe të njohurve të tij.

"Me shumë beteja në jetë, secila me e vështirë se tjetra, në të vërtete Saimiri po i jepte lamtumirën kujtdo që njihte, familjes së vjetër dhe familjes së re, miqve, juristëve, kolegëve e të afërmve në mënyrën e tij më origjinale dhe me te veçantë", shkruan ajo.

Shënimi i plotë:

Avokati dhe profesori Saimir Vishaj, babai i Salvit dhe i Kleit, gjyshit i Greit; u nda nga jeta sot në moshen 60 vjecare. Saimiri luftoi me sëmundjen e pashërueshme dhe para pak ditësh mbylli seancat e terapisë. Menduam se ja doli se keshtu e quante tumorin, një luftë të fituar. Kështu na tha që e mundi!

Me shumë beteja në jetë, secila me e vështirë se tjetra, në të vërtete Saimiri po i jepte lamtumirën kujtdo që njihte, familjes së vjetër dhe familjes së re, miqve, juristëve, kolegëve e të afërmve në mënyrën e tij më origjinale dhe me te vecantë.

Duke qëndruar fort në këmbë e duke rrëfyer se ne jetën e ndajmë me njëri - tjetrin, me njerëz që ikin e që vijnë, apo të njohur e të panjohur e për këtë ndikim që kemi duhet të jemi me te mirë e me më shumë dritë. Saimiri, miku i gazetarëve dhe jo vetëm!

Lamtumire Saimir, bashkohu me Even, motrën që e deshe aq shumë dhe me prindërit. E di që ike me një mall të madh vecanërisht për nipin Grein, për të cilin lotet i mbaje në sy duke i mundur me buzëqeshjen e vlonjatit të fisëm. Por edhe me nje mesazh të fortë, na tregove se edhe ne rast se humbasim duhet të ecim përpara GJITHMONE!