12 eurodeputetë të Parlamentit Evropian, kryesisht të djathtë të Partisë Popullore Europiane, i kanë dërguar disa pyet...
AKTUALITET
Gjykata “vulos” për herë të dytë burgim të përjetshëm për Arben Frrokun
PiranjatPërditësimi i fundit 18 Shkurt 2026, 12:29
Pasi pranoi kërkesën e biznesmenit të akuzuar për vrasjen e kryekomisarit Dritan Lamaj, Kushtetuesja mësohet se ka lënë në fuqi dënimin me burgim të përjetshëm për Arben Frrokun.
Arben Frroku kërkoi rihapjen e procesit gjyqësor dhe shfuqizimin si antikushtetues të vendimeve.
Në kërkesën e bërë nga Frroku bëhej fjalë dhe për kthimin e çësthjes për rigjykim pranë gjykatës kompetente me një tjetër trup gjykues.
Kujtojmë se për vrasjen e kryekomisarit, Arben Frroku, u lirua në vitin 2015, pasi u shpall i pafajshëm nga Gjykata për Krimet e Rënda.
Vendimi u prish nga Apeli, që dënoi përjetë biznesmenin, dënim që mbeti i pandryshuar edhe në Gjykatën e Lartë dhe në Kushtetuese.
Ai u ndalua në Holandë në vitin 2016, vend që jo vetëm i refuzoi ekstradimin në Shqipëri, por edhe i njohu dënimin, duke e zbutur në 18 vite burg.
Në shkurt 2025 Gjykata Eropiane e të Drejtave të njeriut pranoi ankimin e tij, duke vlerësuar shkelje të të drejtave të njeriut në Gjykatën Kushtetuese dhe detyruar shtetin shqiptar të rihapë çështjen në këtë gjykatë.
Ndërsa ditën e sotme pasin pranoi kërkesën e tij për rigjykim, Kushtetuesja la në fuqi dënimin me burgim të përjetshëm.
