Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
AKTUALITET
Përballja e pazakontë, 58-vjeçari ballafaqohet me “prostitutën” 22-vjeçare. Babai pranon gjithçka!
PiranjatPërditësimi i fundit 19 Maj 2023, 22:00
Qendrat e masazheve në Shqipëri janë kthyer në një vend parajsë prostitucioni. Piranjat e kanë trajtuar dhe në sezonet e mëparshme fenomenin e lulëzimit të prostitucionit në këto vende, ndërsa javën e kaluar u morën me rastin specifik të një personi.
Titi, hidraulik me profesion, ishte frekuentues i rregullt i qendrave të masazheve. Aty njohu një vajzë 22-vjeçare që i ofronte shërbime ekstra. 58-vjeçari e çoi marrëdhënien e tij me vajzën në tjetër nivel duke krijuar një lidhje dashurie me të renë.
“Shkëmbyem numrat e telefonit dhe më ftoi t’i rregulloja ca gjëra te shtëpia. Aty më pas u afruam më shumë dhe kaluam në marrëdhënie seksuale. Kemi bërë seks te qendrat e masazheve, në hotel, në shtëpi ditore me qira, te shtëpia e saj, në Durrës, por gjithçka ndryshoi pas 6 muajsh që kishim marrëdhënie”.
Vajzës së re i humbi interesi, pasi e shtrydhi mire duke i kërkuar para Titit. Eva i dërgoi një foto sikur kishte prerë damarët dhe Titi lajmëroi policinë dhe ambulancën. Aty e kuptoi se vajza ishte tallur pas një telefonate me babain e saj. Ky i fundit i tha të mos shqetësohej, por problemet ishin hapur.
“Vajza më bëri denoncimin e pare. Më morën në polici sikur kisha shkuar te shtëpia e saj dhe e shqetësoja me zilen e biçikletës në orën 2-3 të natës. Nuk kishin prova. E tërhoqi denoncimin, më pas u pajtuam sërish. Nuk e kam përndjekur, nuk e kam shqetësuar, ka qenë dëshirë e përbashkët."
“Çudia ndodhi në gusht, marrim shtëpi ditore me qira. Ajo mbylli derën mori çelësin dhe lajmëroi policinë sikur po e përdhunoja. Më kapi policia dhe më dënoi me 20 muaj burg, bëra 9 muaj. Eva është prostitutë. Ka punuar dhe jashtë vendit."
“Dal nga burgu marr vesh se ka sërish një denoncim për mua, për urdhër mbrojtje”, tha Titi.
Fjalët e tij i marrim me pikëpyetje, pasi na duket e habitshme që ka kaq shumë informacione për vajzën dhe di aq mire lëvizjet e tij.
E çojmë kërkimin tonë në një tjetër nivel, shkojmë te motra e Evës për ta pyetur anën e kujt mban.
“Kam 2 vite që kam marrëdhënie të ftohta me motrën time. Ajo punon si prostitute në qendra masazhi. Babai e di, madje ka dhe bekimin e tij sepse e mban me lekë. Babai më ka thënë më mire si prostitute se fiton 100 euro për 30 minuta, se sa kështu si jam. Ka urrejtje për mua. Titi ka të drejta, pasi Eva e ka zhvatur dhe e ka futur në burg”, tha ajo.
Bëjmë lëvizjen e fundit dhe shkojmë te shtëpia e Ardianit, babait të vajzave dhe aty rastësisht dhe për fatin tone të mire gjejmë dhe Evën. Na presin fillimisht në shtëpi dhe më pas në momentin që sheh kamerën Eva reagon shumë keq.
Më pas nis dhe rrëfimi i saj.
“Nuk kam punuar kurrë në qendra masazhesh. Nuk e njoh as Titin. Ai më ka shantazhuar mua dhe familjen time. Hapte profile në rrjete sociale për mua, në verën e shkuar ishin 25 profile në emrin tim. Si të mos e denoncoja?”.
Babai, Ardiani, mban anën e vajzës së tij në versionin e saj të historie.
“Vajza ime ka të drejtë, Titi e ka kërcënuar. Më ka thënë dhe mua se do e gjej vajzën në qendër masazhesh, por nuk e kam gjetur”.
Pas kundërshtimeve dhe fakteve që i ballafaqon gazetari i Piranjave, Eraldo Harlicaj, Eva dhe babai humbasin qetësinë dhe ngrenë zërin.
“Nuk jam unë! Titi gënjen, nuk jam unë”. Ardiani, babai i Evës, më pas pranon se i ka thënë vajzës së tij më mire të ishte prostitute se sa të fusë hundët në punët e Evës.
“Po, e vërtetë. I kam thënë vajzës që më mire të jetë prostitute se fiton 100 euro për 30 minuta, se sa të fusë hundët në punët e Evës. Edhe sikur Eva të jetë vërtetë, çfarë i duhet kësaj se çfarë bën”.
Ai e aprovon indirekt, por kalojmë dhe te përballja mes Titit dhe Evës. Marrim në telefon Titin dhe ky i fundit, ia përsërit akuzat dhe në sy. “Ti gënjen, ne njihemi dhe kemi qenë në disa vende së bashku. Kemi qenë së bashku dhe në momentin që na ka arrestuar policia”.
Për t’i vendosur kapak mendon babai i vajzave që pasi mendon se kamerat janë të fikura tregon autoritetin në shtëpinë e tij duke mbyllur grupin e xhirimit brenda.
Fatmirësisht reflekton shpejt dhe në fund largohet me urimet më të mira për “Piranjat”!
