Shqiptari arrestohet në Zvicër me 2.7 kg kokainë dhe heroinë, paratë i investonte në Shqipëri

Policia e Lucernës në Zvicër ka arrestuar një 49-vjeçar shqiptar, i dyshuar për trafikim të lëndëve narkotike. Gjatë operacionit, autoritetet sekuestruan rreth 2.7 kilogramë kokainë dhe afërsisht 30 gramë heroinë.
49-vjeçari u arrestua më 12 gusht në Emmenbrücke, pas një hetimi të zhvilluar nga Policia e Lucernës.
Sipas autoriteteve, shqiptari kishte hyrë ilegalisht në Zvicër në fillim të muajit gusht dhe dyshohet se kishte ardhur në vend me qëllim trafikimin e lëndëve narkotike.
Hetimet e policisë kanë zbuluar se para arrestimit, ai dyshohet se kishte shitur kokainë dhe heroinë te të paktën 20 persona.
Sipas hetuesve, një pjesë e të ardhurave të përfituara nga aktiviteti i dyshuar kriminal ishte transferuar në një llogari bankare në Shqipëri.
Gjatë ndërhyrjes, policia sekuestroi rreth 2.7 kilogramë kokainë dhe gati 30 gramë heroinë.
Autoritetet bëjnë me dije se i dyshuari kishte qëndruar kryesisht në Zvicrën Qendrore. Hetimet e policisë çuan në identifikimin e tij dhe më pas në arrestimin në Emmenbrücke.
Çështja po hetohet nga Prokuroria Publike e Emmenit, e cila po drejton procedurën penale.
Deri tani, autoritetet nuk kanë bërë të ditur identitetin e të dyshuarit apo origjinën e saktë të lëndëve narkotike.
49-vjeçari konsiderohet i pafajshëm deri në një vendim përfundimtar të gjykatës.
Lexo edhe
AKTUALITET
Durrës/ Djali i ish-drejtoreshës së Postës dhunon policin, nën hetim bashkë me shokun

Saranda, krime pa ndëshkim. Kërcënime me tritol e dy të vrarë pas plagosjes së vitit 2025

EMRI/ Abuz*m me të mit*r, shkodrani ekstradohet nga Brazili

Aksident rrugor në Ksamil, plagoset një 28-vjeçar

EMRI/ Trafiku i 1 ton drogë, Apeli në Kinë merr vendim për të riun shqiptar që u dënua me vdekje





