Transportonte emigrantë të paligjshëm, arrestohet një person në Maliq

Një person ka rënë në pragat e policisë ditën e sotme në Maliq pasi dyshohet se transportonte emigrantë në mënyrë të paligjshme.

Sipas informacioneve paraprake, personi me inicialet Z.B u kap në afërsi të fshatit Drithas në Maliq, në momentin që po transportonte 5 emigrantë të paligjshëm.

Mendohet se autori i ka marrë emigrantët afër Kapshticës dhe është nisur së bashku me ta drejt Tiranës në këmbim të një sasie lekësh.

Policia arriti të sekuestrojë automjetin tip "Audi" me të cilin i arrestuari transportonte emigrantët si dhe një sasi lekësh dhe disa telefona. Hetimet për zbardhjen e plotë të ngjarjes po vijojë ende.