Shqipëria pritet të përjetojë një ditë me mot kryesisht të qëndrueshëm të mërkurën, më 28 tetor...
AKTUALITET
Arrestohet në Korfuz Lulezim Tabaku, i dyshuari për vrasjen e 66-vjeçarit në Sarandë
PiranjatPërditësimi i fundit 28 October 2026, 09:28
Policia e Shtetit, në bashkëpunim të ngushtë me homologët grekë, ka finalizuar një tjetër fazë të operacionit të koduar “The Wanted”.
Si rezultat i koordinimit informativ dhe operacional midis Drejtorisë së Interpolit dhe Interpol Athinës, në Greqi u arrestuan provizorisht, me qëllim ekstradimin në Shqipëri, dy shtetas të shpallur në kërkim.
Lulezim Tabaku, 37 vjeç, është autori i dyshuar i vrasjes së shtetasit R. I., kryer më 7 maj 2026 në ambientet e lokalit të viktimës, në fshatin Gjashtë të Sarandës. Gjykata e Sarandës i ka caktuar masën e sigurisë “Arrest në burg” për veprat penale “Vrasja me dashje”, “Mbajtja pa leje dhe prodhimi i armëve, armëve shpërthyese dhe i municionit” dhe “Kanosja”, kryer në bashkëpunim.
Së bashku me të u arrestua edhe I. Ç., 40 vjeç, i cili dyshohet se ishte i përfshirë në konfliktin me sende të forta që parapriu vrasjen. Ai qëndronte në ishullin e Korfuzit duke përdorur identitet të rremë. Gjykata e Sarandës i ka caktuar masën “Arrest në burg” për veprat “Moskallëzimi i krimit”, “Kanosja” dhe “Shkatërrimi i pronës”.
Sipas hetimeve, më 7 maj 2026, Lulezim Tabaku ka vrarë me armë zjarri (pistoletë) 66-vjeçarin R. I., pas një konflikti me sende të forta ndërmjet disa shtetasve, ku bënte pjesë edhe 40-vjeçari i kapur në Korfuz.
Policia e Shtetit vazhdon punën intensive për lokalizimin dhe kapjen e shtetasve të tjerë të shpallur në kërkim në lidhje me këtë rast. Ndërkohë, Interpol Tirana, në bashkëpunim me homologët grekë, po punon për finalizimin e procedurave të ekstradimit të dy të ndaluarve në Shqipëri.
