Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
“Bashkëpunim me çdo forcë politike”/ Berisha zbulon kushtet e bashkimit opozitar: Të gjithë kundër Ramës, p... Berisha: Buxheti nuk është 10 miliardë euro, por 5.5 miliardë! Pensionistët marrin vetëm 1 për qind të GDP... Harrojeni “123456”, një fjalë e pazakontë është fjalëkalimi më i përdorur në Zvicër Shembet masivi shkëmbor në rrugën Qafë Buall-Krastë, bllokohet qarkullimi Milionat e TikTok LIVE dhe hija e mafias/ Aleks Visha dhe “Samy Dubai” në qendër të investigimit italian, d... Zhupa shpërthen për ligjin e zonave të mbrojtura: Pasuritë e Shqipërisë nuk janë për t’u ndarë mes oligarkë... Detaje të reja nga konflikti në burgun e Reçit/ Kush janë dy të dënuarit e përfshirë në përplasje, emrat dh... Koreja e Jugut thyen rekord historik, eksportet tejkalojnë për herë të parë 1 trilion dollarë falë IA-së... Premtimi i Benet Becit mbeti në letër/ Ura e Bardhajve drejt shembjes, banorët kërkojnë ndërhyrje Skandal në futbollin argjentinas: 8 lojtarë arrestohen pas dhunës ndaj arbitrit pas humbjes Revolta e brezit të ri kundër Ramës, “The Atlantic”: Shqiptarëve u ka ardhur në majë të hundës! "Përmbytën" Belgjikën dhe Anglinë me ko*ainë, goditet banda që fitoi 25 mln euro, arrestohen disa shqiptarë...
POLITIKE

“Bashkëpunim me çdo forcë politike”/ Berisha zbulon kushtet e bashkimit opozitar: Të gjithë kundër Ramës, por duke ruajtur identitetet!

Kreu i Partisë Demokratike, Sali Berisha, ka deklaruar se opozita po punon për krijimin e një koalicioni të gjerë politik kundër qeverisë së Edi Ramës. Sipas tij, ky bashkim do të ketë një koncept të ri dhe do të ndryshojë nga koalicionet e krijuara në Shqipëri që prej vitit 1991. Berisha theksoi se synimi është […]

P
Piranjat19 November 2026, 12:38 · 3 min lexim
“Bashkëpunim me çdo forcë politike”/ Berisha zbulon

Kreu i Partisë Demokratike, Sali Berisha, ka deklaruar se opozita po punon për krijimin e një koalicioni të gjerë politik kundër qeverisë së Edi Ramës. Sipas tij, ky bashkim do të ketë një koncept të ri dhe do të ndryshojë nga koalicionet e krijuara në Shqipëri që prej vitit 1991.

Berisha theksoi se synimi është bashkëpunimi me çdo forcë politike, grup interesi apo faktor tjetër që e konsideron qeverisjen e Ramës si problemin kryesor të vendit.

Ai nënvizoi se ky koalicion do të krijohet duke ruajtur identitetin e secilës forcë politike, ndërsa nuk do të përjashtohen as grupimet që kanë qëndrime kundër Partisë Demokratike.

“Ne po punojmë, vetëm se ky koalicion është i ndryshëm nga çdo koalicion që është bërë nga 1991 deri më sot. Kjo do të thotë përpjekjen e ndershme për të bashkëpunuar me çdo forcë politike, çdo grup interesi dhe të gjithë ata që konsiderojnë të keqen më të madhe Edi Ramën dhe narkoshtetin e tij. Një bashkim duke ruajtur të gjitha identitetet. Një bashkim edhe me ata që platformën e tyre e kanë kundër PD-së”, u shpreh Berisha.

 

Kreu i demokratëve deklaroi se qëllimi i këtij bashkimi është largimi i Edi Ramës nga pushteti dhe krijimi i një qeverie që do të garantojë një kuadër të ri ligjor për zgjedhjet, sipas standardeve më të mira ndërkombëtare.

Sipas Berishës, në këto kushte, çdo forcë politike duhet të ketë mundësinë të testohet përpara qytetarëve, të cilët më pas do të vendosin me votë se kë konsiderojnë alternativën më të mirë.

I pyetur edhe për reformën zgjedhore, kryetari i PD-së tha se propozimet e paraqitura nuk përfaqësojnë vetëm kërkesat e Partisë Demokratike, por qëndrimin e të gjithë spektrit opozitar.

“Ato që kemi paraqitur ne janë kërkesa të të gjithë spektrit opozitar. E rëndësishme është që atyre t’u dalë zot i gjithë spektri opozitar”, deklaroi Berisha.

 

SHPËRNDAJE

Lexo edhe

POLITIKE

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.