Gara për Shtëpinë e Bardhë 'nxehet', Senatori republikan John Kennedy shqyrton mundësinë e kandidimit për president në 2028

Senatori republikan, John Kennedy, tha për “Meet the Press” të NBC News se po shqyrton mundësinë e kandidimit për president në vitin 2028. I pyetur nga moderatorja Kristen Welker nëse po mendonte të kandidonte për president, Kennedy u përgjigj: “Po”.
“Planet e mia tani janë të kandidoj për rizgjedhje, por siç e kam thënë edhe më parë, nëse nuk mendoj se mund të jem më efektiv në Senat, do ta konsideroja”, tha ai.
Një numër i madh politikanësh nga të dyja anët e partisë kanë pranuar se po shqyrtojnë mundësinë e kandidimit për president në vitin 2028, megjithatë, askush nuk e ka njoftuar ende zyrtarisht nëse do të kandidojë spo jo. Edhe Kennedy tha se nuk ka marrë ende një vendim.
“Nga ana ime e partisë, nëse një grup mashtruesish kandidojnë, dhe unë mendoj se janë mashtrues dhe njëri prej mashtruesve mund të fitojë, dhe mendoj se mund të bëj një punë më të mirë, do ta konsideroja kandidimin. Por tani për tani, po kandidoj për rizgjedhje," tha ai.
Zëvendëspresidenti JD Vance konsiderohet gjerësisht si një kandidat i mundshëm presidencial në vitin 2028. Megjithatë, Kennedy nuk pranoi të fliste për Vance kur u pyet pse votuesit duhet të zgjedhin senatorin në vend të zëvendëspresidentit. Ai shtoi gjithashtu se mendon se do të jetë mirë për të dyja palët të kenë një fushë të plotë pjesëmarrësish.
"Nuk do të flas për një kandidat tjetër të mundshëm. Thjesht nuk jam ende atje ku duhet të shkojë," tha ai.
Presidenti Donald Trump më parë i ka përmendur si Vance ashtu edhe Sekretarin e Shtetit Marco Rubio si pasardhës të mundshëm. Në shtator, Rubio tha se nuk ka plane për të kandiduar për president.
NBC News raportoi më parë se Sekretari i Mbrojtjes Pete Hegseth ka folur për mundësinë e kandidimit për president në vitin 2028, gjë që një zëdhënës i Departamentit të Mbrojtjes e mohoi. Po ashtu, Vance i tha NBC News javën e kaluar se ishte shumë e qartë për të, që senatori republikan nga Teksasi, Ted Cruz, do kandidojë për president në vitin 2028. Zgjedhjet presidenciale të vitit 2028 do të jenë të parat që nga viti 2012 pa Trump-in si kandidat republikan.
Lexo edhe
BOTA
Spanjë/ Mijëra qytetarë protestojnë për të drejtën e strehimit, thirrje për grevë të përgjithshme

VIDEO/ Grabitje në 2.5 min! Si vepronte banda që vidhte makina dhe motoçikleta me fitime mbi 350 mijë euro

Irani: Ngushtica e Hormuzit nuk do të rihapet pa u plotësuar shtatë kushtet

Deri në 500 shkolla mund të mbyllen të hënën në Francë, nxënësit paralajmërojnë protesta të reja

Reaktorë bërthamorë në Hënë, SHBA përshpejton planet për bazat hënore





