Kriza e Ebolas në Kongo/ SHBA-të akordojnë 267 milionë dollarë shtesë për përballimin e epidemisë

Shtetet e Bashkuara do të japin 267 milionë dollarë shtesë për përballimin e epidemisë së Ebolës në Republikën Demokratike të Kongos. Fondet do të përdoren për ndihmë shëndetësore dhe humanitare, në një kohë kur autoritetet po përballen me një nga shpërthimet më të rënda të sëmundjes në vend.

Sipas raportimeve nga mediat e huaja, me fondet e reja, ndihma e drejtpërdrejtë amerikane për luftën kundër epidemisë arrin në 887 milionë dollarë. Uashingtoni ka bërë gjithashtu thirrje për një angazhim më të madh ndërkombëtar për përballimin e krizës. Në fund të gushtit, Kombet e Bashkuara kërkuan 1.1 miliardë dollarë për zbatimin e një plani të posaçëm ndihme ndaj epidemisë.

Ndërkohë, situata në terren vijon të mbetet shqetësuese, me virusin që po përhapet në zona të ndryshme të vendit. Republika Demokratike e Kongos po përballet me shpërthimin e 17-të të Ebolës në historinë e saj. Sipas të dhënave të fundit të autoriteteve shëndetësore, epidemia ka shkaktuar 3,639 viktima nga 7,541 raste të konfirmuara në laborator.