VIDEO/ Gruaja përballet me situatën e pazakontë të fletushkave denigruese në xhamat e makinave: Shitet!

Një aventurë e pabesueshme ka përjetuar që nga e marta (29/9) një grua, e cila pa të gjitha të dhënat e saj personale të publikuara në xhamat e përparmë të makinave në një rrugë qendrore në Heraklion të Kretës, në Greqi.

Në një video të publikuar nga MEGA, një burrë shfaqet duke lënë zarfe me fletushka në xhamat e përparmë të makinave. Fletushkat përmbanin emrin, adresën dhe foton e gruas, si dhe përshkrime fyese dhe të pahijshme. Sipas të njëjtit informacion, në to shkruhej se gruaja në fjalë ishte duke u shitur.

Gruaja njoftoi menjëherë policinë dhe dha një deklaratë në lidhje me incidentin.

Autoritetet policore vlerësojnë se identifikimi i autorit ose autorëve nuk do të zgjasë shumë, pasi incidenti ndodhi në një zonë të gjerë të lagjes dhe kamerat e sigurisë të ndërtesave përreth kanë regjistruar veprimet e personave të përfshirë.

Sipas mediave greke, oficerët e ELAS-it kanë identifikuar dy burra që dyshohet se shpërndanin fletëpalosjet në lagje. Dyshimet e policisë janë përqendruar edhe te një grua tjetër, e cila dyshohet se mund të fshihet pas kësaj historie. /PiranjatNews/