Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
BOTA
VIDEO- “Më bëj një foto!”/ Misteri mbi vdekjen e 26-vjeçares teksa pozonte në tarracë
PiranjatPërditësimi i fundit 26 Tetor 2026, 20:13
Mister mbulon vdekjen e një 26-vjeçareje nga Kazakistani në Stamboll, e cila humbi jetën pasi u shemb çatia e ndërtesës ku ishte ngjitur nga ballkoni i apartamentit të saj në katin e gjashtë. E reja, e quajtur Ajsulu Bekmahanova, ishte fotografuar nga shoqja e saj e dhomës, e ulur në skajin e tarracës, pak para rënies fatale. Sipas raportimeve në mediat turke, 26-vjeçarja i kishte thënë shoqes së saj, e cila e paralajmëroi të largohej nga vendi i rrezikshëm: “Unë do të rri ulur këtu, ti shko të flesh.”
Në kuadër të hetimeve për rrethanat e vdekjes së saj, autoritetet turke arrestuan, me urdhër të prokurorisë, shoqen e saj të dhomës dhe partnerin 35-vjeçar të kësaj të fundit.
Si ndodhi tragjedia
Ngjarja ndodhi rreth orës 09:15 të mëngjesit të së dielës, në lagjen Ergenekon, në zonën e Shishlit, në Stamboll. Sipas informacioneve paraprake, Bekmahanova kaloi nga ballkoni i apartamentit ku banonte, në katin e gjashtë, në çatinë e ndërtesës ngjitur. Ndërsa po lëvizte drejt pjesës qendrore të çatisë, një nga panelet ku po shkelte u shemb, duke bërë që ajo të binte në boshllëk, deri në nivelin e katit të dytë nëntokësor.
Pas njoftimit nga banorët e zonës, në vendngjarje mbërritën policia dhe ekipet e shpëtimit, të cilët konstatuan se 26-vjeçarja kishte ndërruar jetë. Pas këqyrjes së vendit të ngjarjes nga prokurori dhe përfundimit të hetimeve nga autoritetet përkatëse, trupi i saj u transportua në morgun e Institutit të Mjekësisë Ligjore për ekzaminimin dhe autopsinë.
Fotografia e fundit dhe paralajmërimi i shoqes së saj
Gjatë hetimeve u zbulua fotografia e fundit e 26-vjeçares, në të cilën ajo shfaqet e ulur në skajin e çatisë, pak para vdekjes së saj. Sipas dëshmisë që thuhet se ka dhënë shoqja e saj e dhomës, rreth orës 08:15 të mëngjesit ajo e pa Ajsulunë të ulur në një pjesë të rrezikshme të tarracës dhe i kërkoi të largohej. Megjithatë, 26-vjeçarja iu përgjigj: “Unë do të rri ulur këtu, ti shko të flesh.” Më pas, shoqja u kthye në dhomën e saj, pasi e kishte fotografuar më parë shoqen në vendin ku ishte ulur. Kjo fotografi tashmë është pjesë e provave që po shqyrtohen për të zbardhur rrethanat e vdekjes së saj.
"U zgjova nga zhurma e lartë dhe e pashë të rrëzuar"
Në dëshminë e saj në polici, shoqja e dhomës së 26-vjeçares deklaroi se, ndërsa po flinte në dhomën e saj, u zgjua në një moment nga muzika e lartë. Kur u ngrit, vuri re se shoqja e saj nuk ndodhej brenda apartamentit. Më pas, ajo konstatoi se një panel i çatisë së ndërtesës ngjitur ishte thyer. Kur hodhi sytë drejt hapësirës së brendshme mes pallateve, pa Bekmahanovën të shtrirë pa lëvizur në pjesën e poshtme të ndërtesës.
Kishte vizituar partnerin disa orë para vdekjes
Shoqja e saj thuhet se dëshmoi gjithashtu se mbrëmjen e kaluar, rreth orës 20:00, kishte dalë me Ajsulunë për t'u argëtuar. Rreth orës 05:00 të mëngjesit, 26-vjeçarja u largua për të vizituar partnerin e saj. Më pas, policia kontaktoi 35-vjeçarin, i cili zotëron një dyqan ushqimor dhe që, sipas raportimeve, kishte një lidhje romantike me të renë.
Burri deklaroi se Ajsulu kishte mbërritur në dyqanin e tij rreth orës 05:30 të mëngjesit, se kishin kaluar pak kohë së bashku dhe se ajo ishte larguar në orën 07:40 për t'u kthyer në shtëpi. 35-vjeçari deklaroi gjithashtu se e dinte që partnerja e tij punonte në një lokal nate. /PiranjatNews/
KAZAKİSTANLI KADININ DÜŞMEDEN ÖNCEKİ SON FOTOĞRAFI ORTAYA ÇIKTI İstanbul Şişli’de kaldığı binanın 6’ncı katındaki balkondan yan binanın çatısına geçtikten sonra düşerek hayatını kaybeden Kazakistan uyruklu Aisulu Bekmakhanova’nın (26), çatıda otururken çekilen son fotoğrafı ortaya çıktı.
ŞİŞLİ'DE KORKUNÇ OLAY: YARI ÇIPLAK HALDE ÇATIYA ÇIKAN GENÇ KADIN DÜŞEREK CAN VERDİ ????⚠️ İstanbul Şişli'de Kazakistan uyruklu Aisulu Bekmakhanova'nın kaldığı binanın balkonundan yan binanın çatısına geçerek tentenin üzerine basması sonucu eksi 2. kat seviyesine düşerek hayatını kaybetmesine ilişkin tüm detaylar haberimizde: ???? https://t.co/fDD5XgGPZ5 #SonDakika #İstanbul #Şişli #Asayiş #Gündem
